悅滿軒

美孚既尧宗颐文化馆有间出名嘅西餐悦满轩，今晚终于有时间一试。我由美孚站B出口向荔枝角方向行，经过中电后上条小梯极，再过对面马路就系，全程慢慢行都唔使10分钟，比想像中近同方便。我自己未嚟过尧宗颐文化馆，餐厅喺文化馆入面嘅H座，沿途可以欣赏馆内嘅建筑，系充满文艺气色既好地方，未食心情已觉得好轻松。一入餐厅就听到90年代嘅美国流行音乐，服务员亦友善有礼。我点咗美国牛腹肉他他配蒜蓉包，可能知我唔识食，服务员特别同我讲解各种调味料同食法，令我可以放心地品尝，嫩滑嘅牛肉涂上香脆嘅蒜蓉多士非常美味，令人想一试再试。食完之后就上自家制甜薯条，薯条香甜脆口，不用配任何酱汁已经非常美味，最后系法式海鲜烩意大利饭，饭味相当浓郁，配上4款味道鲜美嘅海鲜同少少红椒嘅嘅辣味，浓而不腻，食完非常满足总结呢餐系一次愉快嘅体验，无论餐厅身处位置、店内环境、服务水准同食物质数都属于高水平，系拍拖/聚会/纪念日嘅好选择。