智尊酸菜魚

营业中

休息中

系社交平台 酸菜鱼群组见到人介绍湾仔智尊酸菜鱼，过开黎湾仔就即刻试下。Lunch time 有set lunch，$68就有酸菜鱼套餐，有一大碗酸菜鱼，热腾腾，酸酸辣辣好惹味，酸菜咬落去索索声，鱼片无骨好滑，都几多，仲有芽菜，再加上薯粉，好丰富。另外叫左蕃茄滑鱼，汤底系甜甜酸酸，好开胃，鱼片一样好滑，薯粉好Q好弹牙。菜单上有辣椒，但食落就吾觉辣，吾食得辣既朋友可以试下。套餐可选择白饭，菜饭，上海面，担担面，重酸麻辣红薯粉。各有特色，不过我今日想食饭，所以叫菜饭。估吾到有惊喜，菜饭有落姜炒，系姜炒菜饭，净食都好正。可以加钱追加饮品，小食，菜。其实套餐已经好饱，但都想饮返杯野，同食多d菜，所以追加左奶茶，冻柠茶，同上汤蒿荀。奶茶都算滑，上汤莴荀都好味，略严切得厚左少少。整体都好好味，性价比高。