日月堂

营业中

休息中

『日月堂』观塘区比较新嘅台菜，疫情下大家不妨多啲支持良心小店，渡过难关。星期五晚市8点钟walk-in ，入座率却只有四成😢门外标语，明嘅就会明💛嘢食款式都几齐全，有牛肉面，拌面，炸小食，蛋饼，芋圆都有2款。先上嚟嘅系盐酥鸡($48)，啱啱炸起够晒热脆，惟味道偏甜，咸味唔够（又或者我食开重口味😆），我同男朋友都即系望下枱上有冇味粉可以加XD如果有堆九层塔一齐炸会更好。我同男朋友都好中意食酥炸鱿鱼($48)，见到一定唔会放过XD 炸粉唔厚啱啱好，而且呢度嘅味粉重手过头先个盐酥鸡，我同男朋友好快清晒😚台式手摇我比较钟情纯茶饮，呢杯蜂蜜绿茶几好饮，份量够大杯。落单𠮶阵都可以讲低少糖少冰，客制俾你👍🏻睇咗其他foodie嘅相，男朋友嗌咗呢个排骨便当($62)，不过块排骨冇相入面睇咁靓仔，有少少失望。不过就咁望落，配料都几丰富。有少少肉燥，酸瓜，渌菜，仲有半旧甜不辣，都开心返。整体味道份量正常，未有特别出色。呢碗牛肉葱油拌面($56)嘅葱油好香，加有微微辣，捞埋呢种裙边面食好正，牛肉偏有咬口，卤水味适中。值得一试。食饱大概9点钟松啲，全场计埋我都系得返2枱客，成晚都几静，比起骆驼漆冇咁热闹，当然