陳儀興尚潮樓 (英皇道)

营业中

休息中

好耐都冇食过潮州菜啦，今日就决定嚟呢间位于鲗鱼涌英皇道1001号7楼1号舖噶陈仪兴尚潮楼 (英皇道)，环境优美舒服，入面中式设计，好有意境侍应嘅态度好好，好热情，好有礼貌。姐姐好似氹紧小朋友咁样坐低先来咗功夫茶，清一清个味蕾先，之后就落单点菜。鹅肠，脂肪肥瘦适中，卤得够入味，但又唔会好咸，仲保留咗鹅肠嘅香味，底下嘅卤豆腐够嫩滑。鹅片，驰名卤水鹅，肥瘦适中，鹅肉入味，食得出肉质唔差。荔芋香酥鹅，上层超级松脆，中间芋泥香浓，底下嘅鹅肉蓉，一面煎香，上中下层配合，口感好丰富。潮式胡椒咸菜浸台生蚝，估唔到份量咁多，台山号超级大只，配埋胡椒咸菜超级鲜甜，惹味。呢个真系值得食。肚肉苦瓜煲，肚肉肥瘦适中，苦瓜处理得一D都唔苦，只有回甘，花菇都好厚身，吸埋个汤汁好鲜。榄菜肉碎炒饭，个饭一上枱，就闻到好香嘅米饭香，令人垂涎，呢个饭真系炒得好出色，唔会太干，同好有镬气。清心丸绿豆汤，潮汕特色甜品，好钟意佢唔系太甜。饭后再嚟多一份功夫茶，清一清口腔嘅油脂，茶香回甘，顺滑。今日呢一餐真系食得舒服，位置坐得舒服，服务态度真系值得一赞。又系一个舒心嘅晚餐。