亞婆豆腐花

营业中

休息中

我本身都系住大埔，但系就从来未试过食呢间亚婆豆腐花，咁岩今日行过，见到咁多人排队，又听过呀妈讲好食，就去试下，条龙都几长，排到去红绿灯左加右啦，10分钟就到我。听人讲加左价，而家系$7蚊碗，外卖加一蚊，间铺头都几细，堂食有得坐都系得两三个位，其他人堂食都系企埋一边快快手食完就走，我叫左碗冻既，佢同我讲唔系好冻，少少冻架ja，可能真系太多人雪唔切啦，无咩所谓，唔系落左好多黄糖，一食落口，哗，真系好滑，好耐都无试过食咁滑既豆腐花，就算我去鹿颈食豆腐花，都唔够呢间好食，讲豆味，其实比较淡，但系讲真，有几可食到咁滑呀？仲要7蚊一碗，真系物有所值，值得去食！