Pancake 專門紗織 (已結業)

今日同朋友喺铜锣湾行街，行到咁上下决定食个晚饭~见到呢一间非常有东瀛风味，装修好靓，拿破仑仲要攞过奖添！一于去试吓先！呢度虽然系甜品做主打，但系都有轻食，有意粉🍝丶丼饭等等 ～甜品有好多种唔同味道嘅拿破仑同pancake，我哋两个今日唔系太饿，今次就试玉桂苹果拿破仑，同埋日式杂锦便当🍱每个轻食系列已经包括沙律、餐汤、主食同饮品 沙律用上柚子醋，非常新鲜🥰日式杂锦便当卖相好靓，包括有玉子烧、巨型蟹棒、炸鸡同芝士汉堡扒，玉子烧够厚，又有蛋味，好好食！餐茶要咗焙茶，清新好饮跟住之后个玉桂苹果拿破仑，果然系得奖甜品，又薄又脆，中间还有一层忌廉，再配上肉桂味道，超级好味！下次可以试吓其他嘢🍮