Ease House Cafe (已結業)

我知道lee度环境几好 仲有大量漫画睇 我哋二人就订咗枱 食饭兼睇书 lee度差唔多位于金鸡最顶楼 一入到去环境真系唔错 坐位舒适又唔逼 最开心系可以睇番儿时钟意睇o既漫画 其后我哋谂住嗌嘢食 但d人唔系点理我哋 餐牌都要自己攞 全场得三个员工 有两个玩紧电脑 一个埋紧数 结果又要亲自行去揾佢哋落单 嗌咗两个晚餐 一个椰汁香芧猪扒饭 另外系茄汁牛柳粒天使面 加多一碟黑椒蜜糖鸡翼 仲有杯芒果特饮 杯特饮相当出色 我𠮶杯鲜奶红豆冰(本来系普通红豆冰 因为嚟错)就偏淡 而个饭椰汁味浓 好好食 略嫌个饭太少 个天使面都唔错 个鸡翼不算太好食 黑椒同蜜糖都唔够味 总之一句 倾吓计都几好o既 食嘢都系去番食肆好喇 二人食咗$140