Ease House Cafe (已結業)

對一次來Ease House Cafe已是一年半前，今次因為要找個坐得來而清靜的地方開會而選擇來這兒。位於金雞廣場，樓下是機舖、補習社、桌球室等，這兒的人流也很多，要等電梯有時也要等得頗久的。甫一出電梯就會見到大大的招牌，還寫到明有免費無線上網的。我們約了一時半，當入去的時候，客人也不算太多，但後來大概兩、三點已開始逐漸多人，客人大多樓來玩Card Games or Board games，所以每一枱客人都會坐上好幾個小時。作為咖啡室，這店有各式各類的咖啡、花茶、小食、意粉、飯類等等，但最抵食還是點一個午餐。午餐有五款選擇，價格若五、六十元左右。先送上來的是我的柚子桂圓蜜，看上去是微黃色，一粒桂圓也找不到，有少量的柚子，味道只是似一杯糖水，連柚子蜜味也欠奉。至於午餐，我選了個挪威三文魚拌黑松露意粉。我很愛吃煙三文魚的，而且我對一向看似名貴的黑松露汁也蠻有興趣。三文魚是現成買回來的煙三文魚，沒甚麼特別。意粉煮得恰到好處，是正宗的Al Dente口感。至於配意粉的所謂黑松露汁，事實上它是個忌廉汁，有些黑色一點點疑似黑松露的物體，可惜我只是感受到忌廉汁的味道，而黑松露味卻是完全吃不到。不得不

去過兩次! 嘢食味道不錯!1 環境亦很好! 不少係係果到係上網打機! 所以都唔太嘈! 最嘈是我們! !我自己少去cafe, 但朋友話百幾蚊食個餐, 又可以坐成晚, 义埋電, 價錢ok! 另外. 我去果日. 係下午都有人book 個場搞party!

今日來到這間CAFE目的是芒亨大戰,由於7點就來到就順便吃飯,就要了煙三文魚黑松露醬拌意粉,不過到了的時候,我地仲努力作戰中,等到打完的時候吃,意粉已經變涼,忌廉汁很杰身,味道很濃郁,意粉是煮淋的,煙三文魚味道略咸,但因為變涼汁太杰所以算不上好吃,飲品方面我就要了熱情果滿天星這個味道很香,有點甜酸,加上滿天星椰果,給點口感,是一杯配合得不錯的選擇服務方面,這裡有拖版供應,方便芒亨人士,不用100蚊坐足成晚仲有電叉,算是不錯了,不過主菜方面就要改良一下了

一大班朋友book左呢到做gathering~本身我自己都跟其他朋友黎過一次, 上次就係玩左個card game今次就真係好認真咁食佢個set 因為放工之後都幾肚餓叫左個白汁海鮮意粉..sorry 佢個名係靚d, 可以參考下圖睇上去好似好好食,朋友又成日話呢間野唔錯, 所以我都好有期待咁放佢入口,(((點知....冇味既?))跟本我又叫左杯上次冇機會試既沙冰~ 牙... 黑色既朱古力沙冰味道整淡...之後話叫咩小食, 甜品. 我都完全拒絕~呢個地方都真係幾靚~ 同埋幾舒服唔怕board game少但係又好鐘意睇漫畫既人士可以黎hae下~

我知道lee度環境幾好 仲有大量漫畫睇 我哋二人就訂咗枱 食飯兼睇書 lee度差唔多位於金雞最頂樓 一入到去環境真係唔錯 坐位舒適又唔逼 最開心係可以睇番兒時鍾意睇o既漫畫 其後我哋諗住嗌嘢食 但d人唔係點理我哋 餐牌都要自己攞 全場得三個員工 有兩個玩緊電腦 一個埋緊數 結果又要親自行去搵佢哋落單 嗌咗兩個晚餐 一個椰汁香芧豬扒飯 另外係茄汁牛柳粒天使麵 加多一碟黑椒蜜糖雞翼 仲有杯芒果特飲 杯特飲相當出色 我嗰杯鮮奶紅豆冰(本來係普通紅豆冰 因為嚟錯)就偏淡 而個飯椰汁味濃 好好食 略嫌個飯太少 個天使麵都唔錯 個雞翼不算太好食 黑椒同蜜糖都唔夠味 總之一句 傾吓計都幾好o既 食嘢都係去番食肆好喇 二人食咗$140

這間cafe是我最常來的,因為一坐可以坐好久,而且坐位舒適,又可以一大班人一起玩,還有一堆漫畫任睇(雖然都沒更新過,有點脫期),因為這間是有最低消費的,所以平日不吃晚餐就會吃這裡的甜品,這裡的甜品選擇不多,不過勝在夠大碟,今次就點左夢幻樂園,朋友就點左心太軟!本來以為係泡芙底,原來係窩夫底,面頭灑上了可可粉,乳酪再加朱古力醬,賣相很好,窩夫面頭偏硬內裡小"淋",再配8成奶味2成微酸乳酪的夾著吃,味道不錯,加上切粒生果很甜好味,綿花糖也很軟,朱古力蛋卷捧脆口偏甜,整個吃完很大滿足朋友吃的心太軟,心太軟是杯子上的,那個乳酪卷得很高,比外面給你一球雪糕來得大和健康,我吃了一口心太軟外層,朱古力味蛋糕甜度剛好(可惜我吃不到內層,因為比較厚),還在戒口的我已心滿意足,這是我覺得來cafe的最好選擇,比起不知好不好喝的飲品好多了

我同朋友早兩三年前幫襯過一輪, 果時嫌佢無寫清楚最低消費同數目唔清唔楚, 因此轉戰其他地點; 最近朋友話改善左, 裝修亦比以前光猛, 咪再去試下law~食物的質素同味道都係差唔多啦, 其實樓上cafe來說已經說是不錯的了. 始終付出八十多元一餐或四十多元一飲, 是計算埋你坐一晚的"場租"費用的~個扇貝意粉的扇貝好鬼麻麻地, 不過個意粉本身配白汁已經okay好食了~Drink當然好, 我心水的涷朱古力係不太甜也不會淡, 冰的分量也恰當~我上星期五同本星期三先後食左兩次, 都okay得.伙計就好好態度, 雖然太多人太忙時都無咩辦法.食物份量okay, 起碼大件男性食完唔會餓.野飲水準幾好, 不過因為我只偏好酒chocolate類, 其他花茶果d我唔係好sure.Toilet情況都比好多樓上cafe好的了.惟一唔好係樓下太多波樓網吧, 等lift要同d公仔佬爭位~去多過一次就最好做vip card, 有九五折幾實惠~

返書展識到一大班朋友 返完工 諗住大家食餐飯 因為想搵d坐得耐d既食店就決定去cafe ! 有朋友提議去Ease House Cafe 咁我地其他人都冇idea 就決定去呢間喇一去到 睇餐牌 全部都80起 包一杯39蚊野飲 過左補錢我叫左 野荀芝士汁魚柳意粉 + 棉花朱古力咖啡 同行既朋友叫左焗豬排飯 / 棉花朱古力沙冰 / 有杯唔記得左叫咩小雲(打完先記得 有樣野唔記得講) = 佢俾左碗冬瓜湯做餐湯我地 .. 好似唔係好match成個場合 飲中湯食意粉 成件事錯晒 黎到既時候我地都o左咀 野飲就等左15分鐘就黎 野食就等左45分鐘先黎..... 杯野飲都俾我飲左一大半.. 首先俾下comment杯野飲先喇 我地一行11人大家一飲完自己杯野飲 都有彈冇讚 一致講出 杯野飲係冇味既 真係好淡囉 擺明溝左好多水 仲知好唔掂到野食喇 個女廚師睇落好pro呀!! 佢整既野食 係我全晚覺得最滿意 因為佢真係整得好味 我冇試朋友既焗豬 但係都見佢地食晒 咁應該都係okay既 我個餐埋單89 以cafe黎講 呢個價其實都幾貴 因為一般cafe 90蚊已包埋甜品

因為係內地黎左兩個女性親戚，未黎之前係ＱＱ傾過大家既興趣初時知道大家都鐘意睇動漫，於是自己就提出不如去女僕ｃａｆｅ去完海洋公園之後就懷住興奮既心情向旺角進發因為冇訂位既關係，係旺角既兩間女僕ｃａｆｅ都一致話冇位有一間(XXX喫茶店)仲用非常惡劣既態度話：ｘ（講粗口），叫佢地唔好上黎，冇位另一間就要等到１０點鐘，咁點算啊，大家又餓又攰，都唔知去邊好即刻醒起有準備過漫畫ｃａｆｅ，用手機上下開飯喇先！打過一間，冇熟食得小食同埋杯面（冇可能招呼來港朋友食杯面掛？係都係我屋企先食啦於是打比友人求助邊度有漫畫ｃａｆｅ，ｏｋ！金雞２５樓，出發！一行四人上到去，要經過一條走廊仔，係門口，大家你眼望我眼出面牌冇寫明點樣計數，見到入面全部都係開放式，仲要清一色男客人唔敢入.....係門口窺視完一陣，有個男侍應走左出黎好好奇地望一望我地然後打算轉身離去之際...比我叫住左，請問：呢度點計架？男：最少要叫一杯野飲自己：咁有冇熟食架？男：有啊於是就入左去，入到去全場靜左一靜，氣氛突然變到好凝重哈哈坐低左之後就回復返大家既交談聲了。親戚小聲問：怎麼這裡全都是男生啊？然後睇一睇餐牌，差唔多１５分鐘後先正式落到單豬頸

今日因朋友遲到, 決定自己一個上去都有半年無去過的ease house cafe. 以前就已經試過呢度d小食, 好似春卷, 咖喱角, 天婦羅蝦, 但因為一試就知道係叫貨的, 他們只是炸, 所以真係無乜特別. 反而值得一提的是他們的雞翼, 黑椒蜜糖雞翼和蜂蜜芥末雞翼. 印象中真的很好吃.而因為之前食過漢堡包的關係, 所以今天只叫了杯薄荷梳打. 看了一陣漫畫. 薄荷梳打仍然是印象中的薄荷梳打. 反而除了那個女廚師外, 其他員工都好似換了另一批了.不過其實一間cafe應具備的東西, 這裡都有呢. 下次找齊朋友再來吧, 到時再認真d咁寫下個人感受啦. (始於唔係咁好意思叫食評.)

呢間CAFE係我地同班同學聚會的老地方....我地都光顧了差不多5.6年....2005年果時...係由2位好C文的男女經營......當時我地真係好愛呢個地方....就算我地出去打完邊爐都仲要去坐一坐......有人生日就一定去果到食蛋糕......就算行街行得累都會係果度坐下...OR等埋D同學行完....果時D飲品又好味又大杯,,仲要唔洗40蚊.......朱古力係用朱古力將整的.....真係好好味...好落本...之後到了2007年...突然多了很多PSP.NDS人上去.....慢慢小左上去了.....畢業之後都小了上去.....直到上星期六....由於我就快生BB...同學想聚一聚...我地再約埋一起上去....由於唔想遲到....我又未食LUNCH....所以我叫了M記外賣...第一感覺....嘩~多左咁多張台既????唔緊要...因為環境一樣好舒服.....之後叫野飲......首先貴左好多.....我叫了我一向都叫開的薄荷朱古力.....由於我未食飯...朋友都叫了炒公仔面.....我地足足等了成個鐘有多都未有得食.....我見肚餓先吃M記....果位姐姐服務員馬上來.

曾經係我讀書時期最常來的地方!不論是玩, 抑或是食! 我都愛來這裡~今次也不例外, 一個人在街上走著走著, 真的很熱!所以, 還是乖乖上ease house坐下, 睇下漫畫, 飲杯凍飲!忘記點了那杯飲品的名字: 只知道是荔枝 mix 青蘋果!唔.. 味道是一般, 凍飲不夠凍呢!! 再點了一碟鴨胸干炒公仔麵!味道比之前退步了. 炒得很濕... 也很salty......只是.. 賣相吸引, 味道一般....Cafe還是不能要求太高水準的食物質素, 說到底這也是一個third place!有大量漫畫, 有兩部電腦任你上網! 這個才是她可愛之處!唔... 女服務員也很勤力!~

飯後沒事做，就來這裡hea。看了一輪餐牌都不知喝什麼好。看到吧台餐牌有香蕉船，點了，店員說沒有。然後問有沒有芝士蛋糕，也沒有。最後點了焦糖咖啡沙冰和菠蘿青蘋果乳酸，另外叫了炸薯塊。店內環境舒適寧靜，只有四五桌客人，牆邊放滿了漫畫，真的超多！game也非常齊全，大富翁／層層疊／波子棋......可是只有兩人，玩不到我最愛的大富翁。焦糖咖啡沙冰：好大杯，冰涼透心，如果咖啡味濃些更好。菠蘿青蘋果乳酸：一般，像青蘋果汁，沒菠蘿味，乳酸味亦欠缺，BF說是溶了的思樂冰。炸薯塊等了N久都沒來，問一下店員，才說沒有薯塊，可不可以轉做薯角，沒所謂吧！很奇怪店員不主動跟我們說沒有，要我們等了N久問他才說沒有。當時就只有幾檯客人，又不是很忙。之後又等了N久，薯角終於到了，看來是炸完再焗，上面有芝士和火腿粒，好味！但價錢略貴，但來cafe都預了來坐和玩。

星期日夜晚去食生日飯,係朋友介紹我去叫左雞扒同煙三文魚意粉, 2樣一黎到都好大碟, 仲要幾好味,d薯條好正! 有人話貴, 六十幾蚊左右, 不過我又覺得ok wor,因為d 野都幾厚, 樓上cafe黎講算吾錯, 我覺得質量算有水準,而且LEE度氣氛好輕鬆, 適合十幾廿歲既年輕人~侍應態度幾好, 因為我地又要加汁, 又要抹野, 佢地做野都幾快手,女既又有介紹下有咩好飲, 呢度既侍應幾nice,同朋友玩UNO, 仲有飛行棋, 牌/棋之類算幾齊啦。 之後同朋友影相, d 侍應都吾介意幫我地影。如果有下次, 一定會再上去

個人認為一間好既cafe要比人一種舒服既感覺...尼間cafe比我既感覺好舒服...而且地方又大...本身諗住halloween就咁上去玩下...點知上到去係同成大班本身唔識既人玩...開始既時候有小小唔熟...但係玩落個個都好開心...到最後仲交換埋msn...識到唔小朋友個人認為係d特別既日子去會仲好玩...果度既食品味道唔會太重...岩岩好...個人最鐘意食果度既雞wing好正...唔係太油接受到天使麵既芝士味有小小太重啦...食物既種類都幾多既...但係果度有d漫畫都未收拾好...如果下次去到收拾好了可能會更加好