影片
更多
2022-02-09
384 浏览
宝琳好似都唔算好多嘢食，见到coffee art都几多好评，就行过去新都城中心试一试，见到全日套餐都唔平，$80至$198不等，只包一杯茶，另收加一服务费。🍴黑松露带子蓝芝士忌廉汁手卷粉 $135 (7/10)得三粒细细粒带子，带子煎到一面金黄色，入面都仲系未熟嘅，都算嫩滑，唔会太咸，亦都冇腥味，百零蚊带子呢个质素OK的。黑松露同蓝芝士嘅味道都好出，食到淡淡黑松露味同埋好重嘅蓝芝士味，忌廉汁可能就比较淡身啲，味道唔系好出，手卷粉质感好特别，有口感，意粉口感比较烟韧啲，都几挂汁，几好食嘅！但略嫌料唔系好多，连洋葱碎粒都冇，食材口感上唔算好丰富，比较单调，就咁单一个粉收百零蚊，有少少唔太值，不过假期就冇办法🤣可能平日会比较平啲！🍴烟三文鱼蕃茄忌廉汁意大利粉 $88 (6.5/10)烟三文鱼份量都足，唔会太咸，正正常常。蕃茄味都浓郁，酸酸哋，味道就正常蕃茄意粉，似系用意粉酱捞出嚟嘅味，冇新鲜蕃茄啊或者其他食材，忌廉汁直情食唔出，冇咩特别普普通通嘅意粉。个人刻板印象觉得三文鱼应该配忌廉汁意粉🤣🤣☕️flat white 跟餐+$25 (7/10)有拉花，Espresso加奶，咖啡非常浓郁，味道偏
🍴黑松露带子蓝芝士忌廉汁手卷粉 $135 (7/10)
得三粒细细粒带子，带子煎到一面金黄色，入面都仲系未熟嘅，都算嫩滑，唔会太咸，亦都冇腥味，百零蚊带子呢个质素OK的。
黑松露同蓝芝士嘅味道都好出，食到淡淡黑松露味同埋好重嘅蓝芝士味，忌廉汁可能就比较淡身啲，味道唔系好出，手卷粉质感好特别，有口感，意粉口感比较烟韧啲，都几挂汁，几好食嘅！
但略嫌料唔系好多，连洋葱碎粒都冇，食材口感上唔算好丰富，比较单调，就咁单一个粉收百零蚊，有少少唔太值，不过假期就冇办法🤣可能平日会比较平啲！
🍴烟三文鱼蕃茄忌廉汁意大利粉 $88 (6.5/10)
烟三文鱼份量都足，唔会太咸，正正常常。
蕃茄味都浓郁，酸酸哋，味道就正常蕃茄意粉，似系用意粉酱捞出嚟嘅味，冇新鲜蕃茄啊或者其他食材，忌廉汁直情食唔出，冇咩特别普普通通嘅意粉。个人刻板印象觉得三文鱼应该配忌廉汁意粉🤣🤣
☕️flat white 跟餐+$25 (7/10)
有拉花，Espresso加奶，咖啡非常浓郁，味道偏苦偏酸，饮完个口会有一浸酸味渗出来，奶味都香浓嘅，但个人唔太钟意偏酸嘅咖啡，但质素都OK中上！
🍰桂花豆腐芝士蛋糕 跟餐+$30 (2/10)
好欣赏店舖嘅新奇创意配搭，都系谂住试伏嘅心态去叫，但呢个combination唔夹！
第一啖食落去个味道好奇怪，味蕾打晒问号❓
好似带啲花香味嘅豆渣😂 认真分开蛋糕三part嚟试，饼底偏硬嘅消化饼，表面系桂花糕，但桂花未算好香浓，系淡淡嘅清香，芝士蛋糕就神奇了，有粗糙豆腐嘅质感，淡淡豆香再加芝士嘅酸味，豆腐味比较出，芝士味唔浓嘅状态。
三样分开食系正常嘅，但夹埋一齐可以自行想像，真系唔得，但创意系一百分嘅！😂分数系比佢哋嘅创意而唔系比味道！
推荐指数: 6/10
正正常常，一间普通嘅Cafe，嘢食质素OK，但假日价钱偏贵，平日去可能好啲，值得一赞嘅系服务几好，坐得舒服嘅，要茶包嘅话店员就会帮你加热水refill！
张贴
