白鬚旗艦店 (已結業)

放假想回归大自然慢慢过一日，就黎咗西贡。走入呢间新派又靓靓地餐厅一于试下新野。佢餐牌唔系好多野拣，但好似好吸引。主打印尼野食同呢间餐厅既外观有啲唔夹哈啱，不过东南亚野食都应该啱香港人口味。我地叫咗两个粉同啲小食。鸡汤粉同猪颈肉粉基本上系一样，只系一个鸡肉一个猪颈肉，猪颈肉好食啲，因为烧得几香口。粉就不过不，唔会系到过淋。不过对佢个汤就有啲失望了，系几香既，不过太浠，好似即食面沟得太多水既感觉，因为我地想像系好似喇沙汤咁嘅味道，结果系好似沟咗水既喇沙汤。炒椰菜系几好食，好多炸蒜片好香。仲有沙嗲鸡串，虽然要等耐啲，但值得等待，因为沙嗲汁好薏味，鸡串都烧得好香好脆但又唔会干到无晒肉汁。最后叫咗个甜品，系新鲜整嘅yogurt，加分位系佢够晒冻，夏天食透心凉。唔会太甜，食得返水果嘅味道，好欣赏。其实呢间餐厅最欣赏嘅地方系佢好舒适，啱晒系到过一个下昼，当日我地坐系二楼，就好似我地包左成个空间咁。二楼坐塌塌米，呢到自助形式用餐，要自己拎野食上二楼，但之后都无人骚扰你，同好朋友倾左几个钟倾都唔会有人叫你走，系一个好地方。设计都好靓够晒港女们黎食野倾计打卡。