影片
更多
2019-02-09
4583 浏览
同学仔订左呢度同我庆祝生日兼新春团拜，餐厅安排左个四人卡座俾我地，椅背间隔是封顶的， 所以私隐度好高，大家可以安心又轻松咁叹下茶倾下计。佢地有个点心任食套餐，每位起，有廿六款点心粉面饭任君选择，味道都唔错。而且我地咁啱四个人都冇食早餐，所以可以差不多试晕哂餐牌有嘅点心， 我个人推介九款精选点心俾大家啦：蜜汁义烧、肉厚但腍软，有好香蜜汁味道。老火例汤（发菜莲藕煲猪脷）、新正头呢个太好意头了。XO酱炒萝卜糕、萝卜糕外脆内软，XO酱够浓味， 香口又惹味。香芒沙律虾角、脆卜卜，配个芒果清香味沙律酱，大细路实啱😝。烟三文鱼韮菜薄罉、估唔到烟三文鱼嘅咸香味会同薄罉咁夹，而且薄罉慢煎至脆口👍。咸水角、炸得涨卜卜皮薄饀多，好味。肉松皮蛋豆腐、豆腐好滑，皮蛋浓郁质糯，配埋肉松，单吃或配饭都好。陈皮沙鯭粥、粥底都几绵，有陈皮淡香，鱼肉味就偏淡，不过好啱好似我咁唔食粥嘅人。最后呢味猪脚姜系同学至爱，见佢咁油光满身就知几有骨胶原啦🤣，啲姜好腍好入味，冇渣，系靓姜，如果多番啲醋汁更好，因为我爱呷醋嘛🤭。另外仲有春卷，虾饺烧卖咁都好有水准架。餐厅坐得非常舒服，又唔使赶住走， 11：00am至2：30pm，够哂时间
佢地有个点心任食套餐，每位起，有廿六款点心粉面饭任君选择，味道都唔错。而且我地咁啱四个人都冇食早餐，所以可以差不多试晕哂餐牌有嘅点心， 我个人推介九款精选点心俾大家啦：
蜜汁义烧、肉厚但腍软，有好香蜜汁味道。
老火例汤（发菜莲藕煲猪脷）、新正头呢个太好意头了。
XO酱炒萝卜糕、萝卜糕外脆内软，XO酱够浓味， 香口又惹味。
香芒沙律虾角、脆卜卜，配个芒果清香味沙律酱，大细路实啱😝。
烟三文鱼韮菜薄罉、估唔到烟三文鱼嘅咸香味会同薄罉咁夹，而且薄罉慢煎至脆口👍。
咸水角、炸得涨卜卜皮薄饀多，好味。
肉松皮蛋豆腐、豆腐好滑，皮蛋浓郁质糯，配埋肉松，单吃或配饭都好。
陈皮沙鯭粥、粥底都几绵，有陈皮淡香，鱼肉味就偏淡，不过好啱好似我咁唔食粥嘅人。
最后呢味猪脚姜系同学至爱，见佢咁油光满身就知几有骨胶原啦🤣，啲姜好腍好入味，冇渣，系靓姜，如果多番啲醋汁更好，因为我爱呷醋嘛🤭。
另外仲有春卷，虾饺烧卖咁都好有水准架。
餐厅坐得非常舒服，又唔使赶住走， 11：00am至2：30pm，够哂时间叹茶倾计食点心，好啱三五知己嚟相聚。
张贴
