柏寧宴會廳 I-VI

营业中

休息中

放假同朋友朝早去行红香炉峰之后就搭车落翻铜锣湾行下街，再去柏宁酒店食下午茶自助餐，但讲起食依间自助餐，事情就要回带到一个礼拜前，我同朋友都突然好想食自助餐，但全香港咁多间酒店咁多选择，最后都系决定平平地试下柏宁酒店嘅自助餐。依间酒店嘅自助餐系official website 订位会有八折优惠，但只限两人以上订位。先讲讲环境，我地系PLATY餐厅到食嘅，餐厅嘅装潢以工英伦工业风为主，一面墙身有幅以涂鸦喷漆绘画嘅名画，整体都干净，唯一缺点系太多人，出入攞野食都有啲碰撞，比人踩到两次，同埋座位有少少逼。食物质素方面，食物都有好多选择，有龙虾、生蚝、煎鹅肝、各种沙津菜，又有中菜点心、日式刺生、韩式炸鸡、土耳其薄饼、印度料理等，仲有雪糕、甜品，好开心，有面包布甸，整体都唔错，有水准，又抵食。