MAZ Thai & BBQ (已結業)

星期日趁好天过左海行下, 见到兰杜街呢到有几间食肆系openrice都有几高既评价, 但父母又唔想坐咁逼又唔想等位, 所以就试下呢间泰国野, 假日都有lunch set, 由$58-$78, 包一杯野饮, 唔洗加一都几化算!餐厅环境几有feel, 中间有张高枱, 岩夜晚饮野倾计, 冷气又足够, 灯光有少少暗不过都几舒服!今次唔系好肚饿所以试左2个set:青咖哩鸡饭($58):一上枱果下其实有d失望, 可能个煲太大, 睇落得好少咖哩汁同鸡肉, 而个汁又比平时食既稀~ 不过食落好惊喜, 个咖哩汁好香, 就算系稀都好够味, 好好送饭, 个饭粒粒分明, 不过鸡肉略缣鞋口左d, 不过overall 都觉得几好味!香茅猪排饭($68):猪排炸得好入味, 个汁都好惹味饮品方面, 叫左1杯泰式咖啡同青柠梳打, 咖啡唔太甜但好香好滑, 赞!另外, 见到promotion, 有$98 oyster combo, 1杯酒+6只生蚝, 希望下次黎试一试!