温野菜 (太古城中心)

营业中

休息中

其实已经食过好多次，不过次次嚟亲太古城都冇其他餐厅吸引过温野菜🤣，所以明知唔抵都系要食。今次叫咗蕃茄汤底，大蕃茄几甜，但系汤头就好普通，最吸引都系啲靓肉，长崎黑毛和牛西冷永远都唔会令人失望，$199四片真系有啲贵，不过唔系成日食，而且真系入口即溶，所以都可以接受。鹿儿岛豚肉亦都唔错，唔会太肥，打边炉啱晒。今次最有惊喜竟然系虾滑，个样唔系太吸引，但食落口有几弹牙有粒粒虾肉。另外其实啲小食亦都唔错嘅，钟意食依度嘅明太子鱿鱼薯仔沙律，其他地方真系食唔到🤣整体来讲，温野菜最大嘅优点就系干净，食得安心。两个人唔系叫咗好多嘢，都食咗$700真系有啲贵，久不久一次就OK。另外而家汇丰卡有啲套餐做紧七折好似抵食啲，大家可以去睇吓。