影片
更多
2022-07-04
1137 浏览
自从疫情爆发之后，已经好几年冇食过放题。有见近排疫情缓和，我同个好耐冇见既朋友决定去「一锅堂」食火锅放题，放任一下。我地大约7 点到达餐厅，一出lift门已经人山人海，睇黎呢到开张几年依然人气不减～ 我地同店员攞位之后，佢就叫我地先拣火锅汤底，然后就可以入场开餐。我地点左非常八搭既猪骨汤底，开左炉冇几耐就散发出阵阵香气~「一锅堂」有好多自助区域，划分左熟食区、饮品区同甜品区等等，食客仲可以自行调制酱油。值得赞扬既地方系，餐厅连湿纸巾都准备齐全，放满整个柜筒。我拣左火锅酱油，再加入大量蒜蓉、葱同辣椒🌶️。建议中意食辣既朋友可以落多啲辣椒粒，食落会更香辣惹味。饮品方面，真系称得上包罗万有! 店内有6-8个饮品雪柜，除左汽水之外，仲有多款消滞解腻既养生饮品。如果食客额外加钱既话，仲可以饮用多款啤酒🍻餐厅场地可以容纳多张餐枱，我地用手机扫描QR code 落单，既方便又快捷。美国安格斯牛肉片由于美国安格斯牛肉片好身薄，所以非常易熟。我地将大量肉片落锅，几分钟后就已经可以起筷 😋 牛肉鲜嫩味美，我地都食唔停口。第一波我地主要点肉类，有牛脷心托、封门柳、西班牙黑毛猪肉片、羊肉片等等，质素真系好好，冇
我地大约7 点到达餐厅，一出lift门已经人山人海，睇黎呢到开张几年依然人气不减～
我地同店员攞位之后，佢就叫我地先拣火锅汤底，然后就可以入场开餐。
我地点左非常八搭既猪骨汤底，开左炉冇几耐就散发出阵阵香气~
「一锅堂」有好多自助区域，划分左熟食区、饮品区同甜品区等等，食客仲可以自行调制酱油。
值得赞扬既地方系，餐厅连湿纸巾都准备齐全，放满整个柜筒。
我拣左火锅酱油，再加入大量蒜蓉、葱同辣椒🌶️。建议中意食辣既朋友可以落多啲辣椒粒，食落会更香辣惹味。
饮品方面，真系称得上包罗万有! 店内有6-8个饮品雪柜，除左汽水之外，仲有多款消滞解腻既养生饮品。如果食客额外加钱既话，仲可以饮用多款啤酒🍻
餐厅场地可以容纳多张餐枱，我地用手机扫描QR code 落单，既方便又快捷。
美国安格斯牛肉片
由于美国安格斯牛肉片好身薄，所以非常易熟。我地将大量肉片落锅，几分钟后就已经可以起筷 😋 牛肉鲜嫩味美，我地都食唔停口。
第一波我地主要点肉类，有牛脷心托、封门柳、西班牙黑毛猪肉片、羊肉片等等，质素真系好好，冇雪藏既异味。
当晚我地都变左食肉兽，除左美国安格斯牛肉片之外，我地仲食左好多西班牙黑毛猪肉片。西班牙黑毛猪肉片同我地拣既猪骨汤底好相衬，而且肉质鲜嫩 🥓👍🏼
蟹棒+ 水饺 + 手打牛丸 + 金针菇火锅配料系当晚既点缀，虽然每一次order 都系3至4粒，但贵精不贵多。手打牛丸爽口弹牙，猪肉水饺都好足料。
手打墨鱼丸 + 花胶
响铃我好中意将响铃放入火锅汤内，因为响铃吸收晒火锅汤既精华，特别好味，而且口感丰富 😋
当然唔可以净系食肉类，我地想饮食均衡啲，所以都特登出去拎左啲蔬菜🥬
熟食方面，有各种冷盆凉拌菜，例如沙律、泡菜萝卜、麻辣猪耳等等，任君选择 🥳 除此之外，仲有多款火锅必食既肉丸，例如贡丸、狮子狗、鱼蛋等等。我地都食到好饱好满足，埋单每人都唔洗三百蚊。总括而言，食物种类繁多，上菜速度好快，卫生情况都唔错，我同朋友都觉得性价比高～👍🏼
张贴
