一品齋甜品屋 (已結業)

先前见过阿苏介绍呢度，铺面冇乜布置，又冇精美的menu同poster，真系唔多似一间甜品店。见到咁款又真系冇乜信心...呢日无啦啦想食豆腐花。通常食豆花都系去人和、公和呀呢D老字号。因为次次去衬甜品店食豆花质素都好差，因为唔系自家制，又雪成日，一D都唔滑溜，所以免得过都唔会系甜品店食豆花。但一入门口就见到一大筒豆腐花，而且成间铺都充满豆香，好明显系自家炮制啦。信心都即刻返晒黎拿拿声叫碗"红白" (红豆沙+豆腐花)未食单睇外表觉得好味! 红豆的份量唔系净系得面头几粒，真系伴有一半的红豆沙。红豆沙好多红豆，唔会水，而且煮得淋；最好系唔太甜，就咁饮红豆水都得!豆花好滑，唔漏，好味 豆花水亦都唔甜，反而冇咁漏添!食食下又好想食返D甜野 (因为红白真系原汁原味架)见到墙上介绍自家包制的麻容汤圆，都叫碗食下。汤圆好烟韧，一食落口就知系自家制的。依家肯自己包汤圆已经好少有啦...汤圆皮好烟韧，厚度适中，不过可能有人会钟意簿身D，但我觉得太簿唔好食。食得出汤圆系人手搓，因为皮好挺身同有筋性，亦食唔到有粉粒，确实比冷藏的汤圆好食。麻容系黑芝麻，唔系太甜，但唔够多，做唔到流沙效果。好就好在黑芝麻馅冇油但都