Poking

成日出街食饭，日日都多菜少肉，星期六放假同朋友一齐又想食好嘢，又想食得健康啲，就决定几远都要出上环试吓呢间Poking。皆因佢每一个Signature Bowl都好吸引，佢嘅搭配唔止颜色，卖相好靓，仲要每一样配菜都好吸引。呢度舖面细细，但都绝对好适合黎呢度一边食饭一边打卡，因为佢本身既装修风格就好文青。而且落单好方便，直接用手机落单，即时出埋单，check到自己点左咩，有无点漏嘢，单度中好清晰，咁写明左你个signature Bowl有啲乜嘢配菜。呢个叫Creamy Baby，连个名都可爱过人，材料超级丰富，首先有好抢眼嘅三文鱼，然后有我好钟意食嘅牛油果，仲有鸡蛋丝，豆腐，蟹子，木鱼丝，脆炸蒜，仲有好好味嘅芥末沙律酱。至于饭就可以简寿司饭同糙米，呢个bowl我就简左糙米，成个配搭好美味，好健康。我朋友就叫左Spicy Ahi Tuna，同样都系劲吸引，一样有好抢眼既吞拿鱼，跟住重有枝豆，青瓜，芒果，芝麻碎，紫菜丝，寿司饭配辣酱油再配沙律菜。菜同饭既份量配搭岩岩好，好fresh，好健康。咁好味既poking bowl真系食极都唔会厌啊！