Poking

主打健康夏威夷蓋飯，提供多款高蛋白食物選擇，真係特別適合注重健康飲食同埋健身人士。我就最鐘意佢可以自由選擇飯式or沙律菜。平時做完運動，最好就係買個外賣返屋企慢慢食。I am Greedy賣相好colourful，揀咗沙律菜底，配上三文魚、吞拿魚、鲜蝦、蟹柳沙律、蟹籽、雞蛋絲、青瓜、枝豆及自家製醬油，食材新鮮，口感好豐富，食曬一碗好夠飽，感覺營養滿滿。Salmon The Classic三文魚、牛油果、青瓜，壽司飯配沙律菜底，蔥花及自家製醬汁，可以帶出三文魚的鮮味，又幾好食wor👍🏻超多牛油果，好正！除咗凍食，餐廳亦有提供熱食便當，同樣都係以高蛋白及健康為主調，迎合不同人士的需要。