Aster Cafe (已結業)

官塘现时有很多楼上café，拣左间系apm附近主打健康用料的café,店舖唔太大，室内有6-8台左右，大台可以坐到8-10个人。晚上7时半左右，已经fullhouse！同肥仔食左两个主菜：今晚餐汤系蕃茄汤，啖啖都有蕃茄蓉，内有好多蕃茄粒，好足料，冇味精，餐包系脆身蒜蓉包。B餐:纽西兰肉眼扒配烧汁 $188肉眼扒点左6成熟左右，扒好厚身，除了有牛肉的嫩亦有油脂甜味，碟边有新鲜的蔬菜，西兰花同椰菜花，仲有脆玉瓜，配饭系用糙米饭,加上肉眼扒完全唔觉怪。D餐:比目鱼柳磨菇配海鲜汁 $128鱼柳好大块，略略煎一煎，肉质结实又无雪藏味，而且海鲜汁可选择辣度，肥仔不吃得太辣，所以选了小辣。意粉亦煮得岩岩好，配上香辣海鲜汁，喜欢吃辣的朋友值得一试。半价转左杯黑芝麻咖啡，第一次饮黑芝麻咖啡，啖啖都有黑芝麻，个感觉都好特别，不过略嫌黑芝麻味重过咖啡味。个餐仲包左杯即磨咖啡服务态度都好好，会主动帮你加水，入面气氛都几合适情侣去。