影片
更多
2023-04-05
565 浏览
最近想食得健康啲，但系又想识得饱肚，谂起上环有好多地方都食到poke，今次就见到有一间网络装修好简约，但系款式有好多嘅店舖，一于同朋友入去试吓，餐厅采用电话表单咁就可以喺电话入边睇到自己想食啲乜嘢啦。我就叫咗个Spicy Ahi Tuna，见到上菜嘅摆盘好丰富，有好多吞拿鱼青瓜，芒果，芝麻青椒同埋有豆。拣咗沙律菜，同埋寿司饭两沟，份量都唔少，而且又可以食到多啲菜，菜都非常之爽口。吞拿鱼咬落去无筋，一咬就食到，口感嫩滑，虽然唔会话好似拖罗咁咁重油脂，但系咬落去都有𠮶种油脂嘅感觉，豆就非常之脆口，为寿司饭带嚟别有一番嘅口感。佢配上嘅豉油唔会好咸，唔会觉得有负担，虽然少少辣，但系又可以吊起吞拿鱼同其他配菜嘅鲜味。紫菜亦都十分之脆口，食落去其实同平时嘅日式饭冇乜分别，但系就更加健康，最令我觉得惊喜嘅系𠮶啲青椒仔，细细粒，咬落去本身都仲系觉得甜甜地，然后佢辣嘅后劲慢慢涌出来。去到食完碗饭嘅最后都仲有𠮶种辣味，依个真系好惊喜。分量一般但系食落去其实好饱，所以食鱼生都可以食得好健康！朋友叫咗Salmon The Classic材料有三文鱼、牛油果、生菜、青瓜等，三文鱼就切成粒状，上面亦洒上芝麻碎同葱
我就叫咗个Spicy Ahi Tuna，见到上菜嘅摆盘好丰富，有好多吞拿鱼青瓜，芒果，芝麻青椒同埋有豆。拣咗沙律菜，同埋寿司饭两沟，份量都唔少，而且又可以食到多啲菜，菜都非常之爽口。
吞拿鱼咬落去无筋，一咬就食到，口感嫩滑，虽然唔会话好似拖罗咁咁重油脂，但系咬落去都有𠮶种油脂嘅感觉，豆就非常之脆口，为寿司饭带嚟别有一番嘅口感。
佢配上嘅豉油唔会好咸，唔会觉得有负担，虽然少少辣，但系又可以吊起吞拿鱼同其他配菜嘅鲜味。紫菜亦都十分之脆口，食落去其实同平时嘅日式饭冇乜分别，但系就更加健康，最令我觉得惊喜嘅系𠮶啲青椒仔，细细粒，咬落去本身都仲系觉得甜甜地，然后佢辣嘅后劲慢慢涌出来。去到食完碗饭嘅最后都仲有𠮶种辣味，依个真系好惊喜。分量一般但系食落去其实好饱，所以食鱼生都可以食得好健康！
朋友叫咗Salmon The Classic材料有三文鱼、牛油果、生菜、青瓜等，三文鱼就切成粒状，上面亦洒上芝麻碎同葱花，令人感觉特别清新健康。而饭底就选择咗寿司饭，寿司饭采用珍珠米，饭嘅醋味香之余，亦有咬口，唔会太干太硬，口感十足。
份量方面，蔬菜、饭及三文鱼占5:3:2，当中仲有一旧柠檬，可以榨啲柠檬汁落去，增强鲜味之余，亦更加开胃。
生菜及青瓜鲜甜清新，牛油果则口感细软，入口即化。三文鱼就有少少肥，鲜美嫩滑。总括而言，配菜相当丰富，同时整体清爽健康得黎又几满足。
佢仲有一啲素食或者轻盈版嘅poke，下次又可以试下了！
张贴
