瓏庭

营业中

休息中

平日放早同屋企人饮下午茶，之前屋苑收到宣传单张有呢个商场有新食店，咁就过嚟试吓呢间酒楼。嚟到嘅时候睇张餐字原来系富豪酒店集团嘅。跟住见佢有点心任食平日下午茶每位$98 ，计落三个人同散叫差唔多咁就食任食。任食嘅好处就系一次过试好多嘢，下次就可以专注散叫一啲好食嘅。整体嚟讲炒嘢系好过蒸嘅点心嘅。餐前小吃就试咗胡椒猪肚汤，略嫌胡椒味唔够重，但系份量都足嘅。青瓜海蜇都唔弱，系正常份量。个南乳鸡翼就唔太钟意佢咁厚粉但系味道都可接受，唔会太咸。蒸嘢嚟讲比较失望系个牛肉，个肉质比较削啲，但系鲮鱼球同埋虾饺都唔错。鲮鱼球冇腥味，仲有少少虾米碎。虾饺都好爽口。炸嘢方面，最出色系个沙律明虾角，但系佢冇沙律酱俾我哋用泰式甜酸酱，不过个虾角真系爆虾肉脆卜卜热辣辣好好食个脆奶都处理得唔错，面包位唔会吸太多油有溢味。炒粉面以为佢位上所以嗌咗三款，点知嚟到嘅时候佢叠上我写一位佢都炒咗碟出嚟实在太夸张，不过三碟炒嘢都好食，配料都够多，唔会放题就hea。珍珠鸡嘅话都唔会好似出边啲大酒楼剩系得d酱俾你，都叫做有资料影吓相。反而甜品值得要改善一下芝麻卷同红枣无咩甜味。桂花糕啲黄色液体染到成只碟都系呢个可以skip。反而个