影片
更多
2024-01-24
1193 浏览
趁假期有同老婆嚟到荃新天地二期睇早场，我哋不时有啱嘅戏都会选择睇早场，因为一来早场平啲，二来睇完啱啱12:00pm左右放饭时间。荃新天地二期地下原先喺先施嘅散货场，依家搬走晒就变咗好多间食肆，感觉唔同晒，兜咗个圈觉得呢间「Craps Table」环境好，价钱又相宜，啲菜式睇落唔错，啱老婆口味，就决定拣佢。因为餐厅喺由原来嘅散货场改装，所以环境设计比较喺开放式，喺外面已经睇到晒成个餐厅环境。一室柔和浅木色系为主调，又摆放咗好多干花、干草、木系家私，所以好有文青风，而餐厅餐厅尾尾有几张半圆嘅马蹄形座位，予人感觉更特别。此外，喺餐厅嘅另一边角落，又有几张细枱，又布置得好好，不过，同主用餐区隔开咗少少，我谂坐喺度饮下咖啡都唔错，食正餐可能麻烦啲，因为揾侍应比较唔方便。我哋喺门口已经睇过个餐牌觉得啱食先入去坐嘅，午市共提供12款菜式，套餐包餐汤或沙律，及附送一杯果汁，定价为$78-$138，如果果汁唔啱饮，都可以转其他嘢饮，有半价优惠。今次想叹啲，所以，小分弟就转咗杯鲜奶咖啡叹吓！是日餐汤点两个餐，就当然一份要沙律，一份要餐汤，是日喺南瓜汤，入口绵密有南瓜嘅清甜香味，最正喺唔太重忌廉，啱晒老婆嘅
因为餐厅喺由原来嘅散货场改装，所以环境设计比较喺开放式，喺外面已经睇到晒成个餐厅环境。一室柔和浅木色系为主调，又摆放咗好多干花、干草、木系家私，所以好有文青风，而餐厅餐厅尾尾有几张半圆嘅马蹄形座位，予人感觉更特别。
此外，喺餐厅嘅另一边角落，又有几张细枱，又布置得好好，不过，同主用餐区隔开咗少少，我谂坐喺度饮下咖啡都唔错，食正餐可能麻烦啲，因为揾侍应比较唔方便。
我哋喺门口已经睇过个餐牌觉得啱食先入去坐嘅，午市共提供12款菜式，套餐包餐汤或沙律，及附送一杯果汁，定价为$78-$138，如果果汁唔啱饮，都可以转其他嘢饮，有半价优惠。今次想叹啲，所以，小分弟就转咗杯鲜奶咖啡叹吓！
是日餐汤点两个餐，就当然一份要沙律，一份要餐汤，是日喺南瓜汤，入口绵密有南瓜嘅清甜香味，最正喺唔太重忌廉，啱晒老婆嘅口味。
是日沙律沙律就简单啲，系啲沙律菜加个车厘茄再淋上胡麻汁，特别就无咩特别架喇，不过，胜在食材够新鲜，沙律菜食落嗦嗦声，车厘茄好清甜。
慢煮黑松露野菌鸡卷意大利饭 $98个意大利饭卖相几精致，因为加咗少少食用花做点缀，而且，睇啲饭嘅外观，已经觉得好对办，入口带有隆浓浓嘅松露香，饭内又混有好多野菌，加埋饭粒口感带韧劲，确喺煮得唔错；而个鸡卷以慢煮手法处理，所以，肉质好嫩滑，里面卷住好多野菌，所以，味道特别。
西京比目鱼•樱花虾酱油大阪烧 $103老婆唔喺太好肉，所以，拣咗个比目鱼，同样卖相精致，绝对讨人欢喜。件比目鱼都几大嚿，虽然用上日式西京烧嘅方法，但又淋上薄薄一层忌廉汁，食味唔错，再者，啲鱼肉又好嫩滑，煎得啱啱好。另外，个大阪烧有惊喜，原以为好似传统嘅大阪烧成个圆饼咁，但依家就做到比较西化，老婆最欣赏喺里面加入劲多蔬菜丝，好食又啱佢健康嘅喜好，赞呀！
果汁始终喺餐饮，所以，本身就无太多期望，预咗会加唔少冰落去，所以，实际杯果汁其实得半杯左右，幸好个味道都唔错，饮落有少少桃香味。
鲜奶咖啡 +$27杯咖啡亦都冲泡得唔差，虽然个拉花嘅线纹未喺好细致，不过，都叫做工整对称，饮落口感都算均匀顺滑，咖啡味醇厚有果仁香气。
今餐饭真喺随机撞吓，但却喺食到餐好，而且，环境舒服，招呼唔错。唔知喺咪属于新场，客人唔多，所以，感觉更轻松悠闲，少咗份城市人嘅匆匆忙忙。
张贴
