影片
更多
2017-05-05
519 浏览
今日屈小姐带赖生去食我地都期待而久既Bagel呀！屈小姐本身系一个面包迷，几乎所有有关面包既野，佢都好有兴趣，佢仲成日系赖生面前提Bagel Bagel，燃烧起赖生既面包之魂，令佢都好想食Bagel呢！所以趁今日就同赖生一齐去试下啦！呢间《R&R Bagel》位于中环利源西街既窄巷内，以落地玻璃做分隔，将2个世界完美分开左咁，中环街外人来人往既繁嚣同嘈吵比落地玻璃完美隔开，试想像下你安坐于餐厅内，系宁静既环境，享受一个Bagel，再望一望外面世界既繁嚣，其实都几梳乎同惬意！话明屈小姐系面包迷，佢事前一定做左好多研究啦，系带赖生去之前，佢已经check过《R&R》有好多种Bagel供应，Cream Cheese仲有low fat添！(写晒系Menu度嫁！）今次我地要试既系：Roast Beef Bagel with Sesame and Low Fat Cream Cheese: ⭐️⭐️⭐️⭐️(4星)好贴心既系，佢事前已经帮你切开左一半，无论你1个人或者2个人Share食都唔担心整污糟手（更方便赖生同屈小姐Share添！）影完相之后，我地都急不及待向住Bagel咬落去，因为拎住系手已经极香啦
呢间《R&R Bagel》位于中环利源西街既窄巷内，以落地玻璃做分隔，将2个世界完美分开左咁，中环街外人来人往既繁嚣同嘈吵比落地玻璃完美隔开，试想像下你安坐于餐厅内，系宁静既环境，享受一个Bagel，再望一望外面世界既繁嚣，其实都几梳乎同惬意！
话明屈小姐系面包迷，佢事前一定做左好多研究啦，系带赖生去之前，佢已经check过《R&R》有好多种Bagel供应，Cream Cheese仲有low fat添！(写晒系Menu度嫁！）今次我地要试既系：
Roast Beef Bagel with Sesame and Low Fat Cream Cheese
$85
30 浏览
1 赞好
0 留言
Roast Beef Bagel with Sesame and Low Fat Cream Cheese
$85
45 浏览
0 赞好
0 留言
好贴心既系，佢事前已经帮你切开左一半，无论你1个人或者2个人Share食都唔担心整污糟手（更方便赖生同屈小姐Share添！）
影完相之后，我地都急不及待向住Bagel咬落去，因为拎住系手已经极香啦第一啖咬落去，最最最Impressive 既系佢既口感！ 首先系烘过带少少脆既面包面，随之而黎既系「烟韧」！眼见个面包应该系外脆内软既，但事实系似食紧一块厚厚既面包皮，你需要同佢角力，撕咬佢先食到入口，口感好正好特别哦！正当你被口感迷惑既时候，芝麻既香味就偷偷发动进攻，烘完既芝麻真系又香又脆又好食呢！所以识拣Sesame Bagel既屈小姐一定经历左好用心既研究！赖生好幸福可以坐享其成！
然后，由于你要同个Bagel角力，所有材料都比你一啖撕晒入口！有炒过既洋葱、Low Fat Cream Cheese、Melted Chedder Cheese，几块烧牛肉同菜！好丰富！ 味道仲好香添，先有洋葱既香甜味道，再黎Chedder Cheese同烧牛肉既Combo attack⋯真系令人企唔稳，芝士加牛肉又系令牛肉味更浓既绝招之一！最聪明既系佢用Cream Cheese做Sauce，带点酸味，又同大量菜营造湿湿地既口感，令整个包唔会太干！不得了！
相信下次我地食正常Cream Cheese会更浓更好味 (仲更邪恶要快D减肥食好西啦)
唯一一样系⋯$85蚊个有D贵(不过系中环尼讲~ 寸金尺土)
之后我地会试更加多唔同既 Bagel嫁啦！
P.S. 话说有一刻，赖生望见屈小姐食得咁滋味个样，佢想像紧第时整Bagel早餐比屈小姐食既生活会系点呢？⋯
#有个为食女朋友既幸福
#面包迷
#奇妙既口感
#第一次食Bagel
#一齐试新野
#被送番工既幸福（残忍！？）
张贴
