滿泰

营业中

休息中

今日中午机，要系机场解决午餐，一年前开始装修、一号大楼禁区内既餐厅位置，已经无左老麦同埋大力水手呢两间汉堡薯气汽水、平平地既快餐店，个装修成年都未搅好，好期待有返呢两间快餐店，到而家仲有部份围紧板，都唔知究竟要搅几耐。行左一个圈，就选定左 Moon Thai，价钱比隔离左右既正常同合理，同埋之前都有食过，起码叫做有啲信心。今日点左一个芭堤雅烧鸡套餐（$88）同海南鲜鸡金边粉（$68）。芭堤雅烧鸡套餐跟一个泰式酸辣汁同酸萝白，个泰式酸辣汁同烧鸡好夹，咁岩系鸡脾位，啖啖肉，鸡皮好香，肉又滑，有汤又有饭，呢个价钱同呢个位置黎讲，已经无得再挑剔，海南鲜鸡金边粉之前系呢道食过，鸡滑、份量多，汤底清得黎好浓郁，萝白都好入味，坚好满足!! 食饱饱就出发散心去了 ~ !!相信下一次都会继续帮衬 Moon Thai。