滿泰

营业中

休息中

每次去機場出發前都會食呢間船麵，我諗原因我不外乎價錢抵食同埋份量啱啱好 適合我呢啲成晚冇瞓過覺嘅人食一碗醒神 其實都唔差㗎，我覺得喺屋企樓下開嘅話我都會成日食 湯底唔算太鹹適中🍴

係機場關內叫左個香茅豬扒湯金邊粉(要67蚊)。本 身諗住食少少野上飛機,都無乜要求,加上係關內 食野貴一向都知,求飽肚就算。 快餐模式運作,出餐都快。攞左餐就求其搵個位 食,點知俾左河粉我。 我又行番轉頭拎去換,已經好聲好氣話:唔好意 思,你俾錯左河粉我。 跟住有個男人死話係金邊粉。 我:唔好玩啦,明明就河粉。 男人:新鮮既金邊粉係咁。 我:唔好呃我啦,你餐牌上面寫係金邊粉,宜家俾河粉我。 男人:供應商都係叫 (河粉)依個做金邊粉,新鮮既 金邊粉係咁架。 我:你俾唔到餐牌上面既金邊粉我,違反商品說明 喎,一係你地退錢。 男人：（大大聲叫淥麵阿姐) 你煮過俾佢,佢唔要新 鮮既金邊粉,要唔新鮮個隻、炒個隻(餐牌上有炒金 邊粉)。 我:乜金邊粉有新鮮唔新鮮分別咩?新鮮既叫河 粉?唔新鮮既叫金邊粉? 男人:係得唔新鮮既金邊粉。 我見淥粉阿姐有啲為難,唯有要左佢,但男人態度 超差,明明就係河粉,硬要講成金邊粉。唔識分河 粉同金邊粉,唔好學人開泰國嘢!

After passing the custom, we immediately went to the canteen to cure our hunger in early morning. Even Moon Thai had the longest queue, we went for it with no doubt (even with options, I didn't feel like those).We requested three meals. Two Vietnamese sausage macaroni meal with scrambled egg and bun and one satay beef instant noodle with scrambled egg and bun. Vietnamese sausages were given in generous amount but personally found it greasy and salty, which made the soup on a salty side with a la

在餐廳品嚐的沙嗲牛肉麵的質素不盡如人意。這道菜的表現令我失望。牛肉的質地較為硬，而且只得少量，調味亦不夠豐富。湯底也缺乏深度和層次感。希望餐廳能夠改進這道菜的烹調技巧，使牛肉更加嫩滑，調味更加均衡。此外，增加湯底的風味豐富度將使這道菜更加出色。期待餐廳能夠在未來提供更好的食物體驗。機場還有很多選擇！這樣的質量真的對不起個價錢。另外我們以為可以透過手機下單，但是後來才發現原來系統尚未發展成熟，暫時無法使用。以致我們要大排長龍去點餐，而且整個早餐的質量真是太差了。

一早去機場，無乜食店選擇，諗住西式早餐穩陣啲，點知都瀨嘢。叫咗A餐火腿絲通粉+炒雙蛋+餐包 熱朱古力$64C餐沙嗲牛肉即食麵+炒雙蛋+餐包+凍咖啡$62餐包唔熱，沙嗲牛肉即食麵，顏色深但冇乜沙爹味，炒蛋就咁炒埋一舊，無味。火腿通粉又好咸，其實入得機場食，大家都預咗貴，貴唔緊要，比啲心機做好唔好？去咁多個國家，感覺香港機場內嘅食物，係最差，又貴又唔好食，其實除咗影響佢哋招牌，仲會影響香港美食大都會嘅形象。

得兩湯匙既肉碎，好似係度食白飯咁，叫外賣既話小心d，仲要收你幾十蚊😤😤 都唔係第一次食，今日真係差到，叫左3盒都一樣係咁，打番電話轉頭又冇人聽，以後唔會再幫襯😤

🦐冬陰功蝦球湯金邊粉 $68冬陰功湯底飲得出用咗多種香料熬製味道酸酸辣辣之餘又有洋蔥同蝦嘅鮮味雖然無加入椰奶但口感滑順酸辣都平均蝦球尾部連殼 蝦肉都幾彈牙唔會霉霉爛爛👌配料有大量雜菌 洋蔥同埋蔥段整體都幾豐富

記得以前係機場的food court ，淨係食啲好貴嘅但又好垃圾嘅食物。但發覺有些小改變，都有好多出名嘅餐廳。雖然去日本，但係想上機前食泰式嘢。當然梗係揀我最鍾意嘅金邊粉啦。份量少，但個擺設都幾靚如果計埋再食飛機餐嘅話，份量就剛剛好。出奇地好味，嗰個酸度剛剛好帶出鮮味。蝦又好大隻，好彈牙。整體十分滿意。

因為要搭早機去旅行，朝早5點幾就要check in，黎到機場禁區外又無乜嘢食，於是就走左入去禁區內搵食，見到依間滿泰好多人排隊，所以揀左黎買兩份早餐醫下肚。條隊真係唔少人排。食店以自助形式為主，先付款，後交票，再自取食物後自己搵位。其實早餐種類真係唔太多1. 泰式牛肉船麵配水煮蛋，彼得飽連熱飲($52)，牛肉得3片超少，湯底唔夠濃郁，蛋同飽就無乜特別。2. 扎肉湯通粉配水煮蛋，彼得飽連熱飲($52)，整個餐可算一般。當然大家唔係要搭早機去旅行嘅話，最好去機場前食飽先入禁區會較好，禁區內真係無乜嘢好食

上飛機✈前食豐富早餐🍳🌮🥪行咗好多間餐廳，唔太啱食，最後揀咗呢間泰滿。見到勁多人排隊，所以就試下，揀咗個泰式牛肉船麵，炒蛋配比得包，熱咖啡☕個船麵味道較濃😊炒蛋嫩滑，比得包好淡，沒有味道。$55一份早餐喺機場嚟講不過不失啦😄

今日中午機，要係機場解決午餐，一年前開始裝修、一號大樓禁區內既餐廳位置，已經無左老麥同埋大力水手呢兩間漢堡薯氣汽水、平平地既快餐店，個裝修成年都未攪好，好期待有返呢兩間快餐店，到而家仲有部份圍緊板，都唔知究竟要攪幾耐。行左一個圈，就選定左 Moon Thai，價錢比隔離左右既正常同合理，同埋之前都有食過，起碼叫做有啲信心。今日點左一個芭堤雅燒雞套餐（$88）同海南鮮雞金邊粉（$68）。芭堤雅燒雞套餐跟一個泰式酸辣汁同酸蘿白，個泰式酸辣汁同燒雞好夾，咁岩係雞脾位，啖啖肉，雞皮好香，肉又滑，有湯又有飯，呢個價錢同呢個位置黎講，已經無得再挑剔，海南鮮雞金邊粉之前係呢道食過，雞滑、份量多，湯底清得黎好濃郁，蘿白都好入味，堅好滿足!! 食飽飽就出發散心去了 ~ !!相信下一次都會繼續幫襯 Moon Thai。

勁難食的滿泰🤦🏻‍♀️D餐-肉碎粥，淡而無味，札肉炒米粉，一見到已經唔想食，亂七八糟，未試過炒米粉，百分之九十係札肉，機乎搵唔到米粉🤨味道唔咸唔淡，奇怪！另一A餐。又係札肉，札內通粉，免強食得+ 烚雞蛋+比得包（凍冰冰）形容唔到，因為真係唔知食緊乜嘢。一早食D咁嘅早餐，真係咩心情都無晒。

今次早餐擇左"滿泰" 叫左泰式牛肉船麵🐮🍜配🍳炒蛋🥚&彼得包🍞 + 咖啡☕️落單同出餐都好快👍🏻值得一讚👍🏻最岩時間吾係好夠而又想食早餐既旅客👍🏻 炒蛋幾好味👍🏻彼得包冇味，所以要配蛋食，就好味好多😋如果只食牛肉船麵吾係好夠飽，因份量吾係好多，船麵湯底都ok, 但配埋炒蛋& 彼得包就超級夠飽🤣🤣價錢$52

沒吃過什麼泰國菜，就來Moon Thai試試滴泰國風味！首先來一杯龍眼冰，好清甜，夏天飲哩個最爽啦！再來一個特色拼盤，有雞翼、魚餅、蝦餅、春捲、豬頸肉啦，好多樣小吃，絕對有款適合你噶，最中意吃裏面噶魚餅，好彈牙，好Q。

每次去機場都會好趕，今次去到T1，發現平時食開既速食快餐M記無左... 行過呢間有幾個人派單張，咁就隨手拎左，見都多人排隊，又有吾少選擇，就試下佢喇。我地分別叫左豬頸肉湯金邊粉，豬頸肉有好香既香茅味，都幾入味。牛丸湯金邊粉，牛丸無個浸腥味，爽口又幾彈牙。舊蘿白都幾入味添啊。至於扎肉湯金邊粉，爽之餘有腍軟口感，都不錯。個金邊粉就不過不失，湯底吾算好濃味，早上清清地食都蠻不錯。本來都對呢個早餐無乜期待，但食落又吾差喎！係機場食個餐都算係咁上下價。可以再食。