Fantasy KiTchen

营业中

休息中

同好友食生日饭，头盘系即叫即开生蚝。生蚝新鲜。另外一个推介，黑松露虾多士，用左墨鱼汁整嘅面包再配埋已加有粒粒虾整嘅虾胶嘅多士，又香又好味。每次去必食之选！！到主菜我俩叫左黑毛猪丅扒同猪手，黑毛猪的肉粉嫩，肉厚唔韧，配上紫马铃薯蓉，天作之合，味道好夹好好味。猪手炸得好脆，味道刚好，配上大厨自制嘅汁，味道特别夹！甜品系大厨自行安排嘅，焗左个心太软伴绿茶雪糕，心太软用左黑朱古力，唔漏味道不死甜，另外也有自家制蛋糕~豆腐蛋糕同蓝莓芝士饼，两者都好足料，前者感觉是在食整块豆腐，绝对食得出诚意。后者一看布满蓝莓也是足料之作。这次已是第二次到访，小店经营，亲切，食材上乘但价钱合理，两次都感觉良好，食物系有水准，大家不妨一试。再经济一点的尚有晚餐选择，价钱百零蚊，即叫即煮，因大厨只得一人煮，可能要等一下。意粉类系我见现场好多食客选择的，有机会下次我也试试看。小店大约有二十人座位，有兴趣去试嘅朋友，最好预订！