文記車仔麵 (福榮街)

营业中

休息中

一条街3间铺，就食左呢间最多人评论最多口碑嘅先啦~先讲环境，比起另外两间，佢系比较四四正正，不过入到去真系几迫，空间感好少，坐得唔舒服。而且感觉上太多人等紧位，所以唔可以食得太慢。配料$8-12，面底$8-9，汤底分腩汁、瑞士汁、清汤，可配辣汁、沙嗲等。每个位都整齐摆放好酱料、菜莆，呢方面都值得加下分嘅。唔算好贵。腩汁汤够浓, 萝卜几清甜，牛腩炆得好淋好入味，不过呢D系基本野姐。猪肠份量几多下，干净唔韧；凤爪还可以，唔算松散；韭菜饺可能浸得耐，一夹散哂。整体黎讲，用料足，汤底入味，可以再战。至于卫生方面要扣番分，真系几多乌蝇，咁样真系反胃架。