影片
更多
2019-01-24
201 浏览
九龙人表示十年都唔入一次屯门，所以对于屯门有咩好食真系一无所知。系屋企人话年尾要食好D，提议入黎食海鲜先知原来屯门出名食海鲜今次一食真系大开眼界！入到黎附近买左一堆海鲜之后，再黎到呢间餐厅加工。不过我呢D做细嘅就梗系咩都唔驶理，un un 脚等食大餐第一个上菜嘅系呢度嘅招牌猪排。虽然话系入黎食海鲜嘅，但都系要食D肉嘅，而呢度嘅猪排又系大力推介嘅。一食落就明白点解叫招牌，猪排肉超级嫩，唔会食到一条条zip晒系牙度个种。调味又正，唔会太咸。唔系夸张，系真系从来冇试过系街度食过咁好食嘅猪排作为专业家庭主妇嘅妈咪即刻问系点整，侍应话师傅系人手打出呢个口感出黎，听到都觉得个加工费值回票价！跟住就到白酒忌廉煮花甲配乌冬底。个人觉得呢个系一个好新颖嘅食法，至少我冇谂过系大排档feel 嘅餐厅会有咁嘅菜式白酒味超级出！食得出落得好重手，同平时系西餐厅食开个白酒煮意粉嘅级别唔系同一个层次！花甲嘅鲜味冇比忌廉盖过左，呢个汁配埋乌冬食系一流，夹到停唔到手！呢个姜葱鲍鱼煲又系正！海鲜其实用呢D简单嘅煮法就已经好足够，去保留佢本来嘅鲜甜味。鲍鱼口感好弹牙，酱汁嘅份量同调味岩岩好，可以衬托到鲍鱼自身嘅鲜味。不过个
入到黎附近买左一堆海鲜之后，再黎到呢间餐厅加工。不过我呢D做细嘅就梗系咩都唔驶理，un un 脚等食大餐
第一个上菜嘅系呢度嘅招牌猪排。虽然话系入黎食海鲜嘅，但都系要食D肉嘅，而呢度嘅猪排又系大力推介嘅。一食落就明白点解叫招牌，猪排肉超级嫩，唔会食到一条条zip晒系牙度个种。调味又正，唔会太咸。唔系夸张，系真系从来冇试过系街度食过咁好食嘅猪排作为专业家庭主妇嘅妈咪即刻问系点整，侍应话师傅系人手打出呢个口感出黎，听到都觉得个加工费值回票价！
跟住就到白酒忌廉煮花甲配乌冬底。个人觉得呢个系一个好新颖嘅食法，至少我冇谂过系大排档feel 嘅餐厅会有咁嘅菜式白酒味超级出！食得出落得好重手，同平时系西餐厅食开个白酒煮意粉嘅级别唔系同一个层次！花甲嘅鲜味冇比忌廉盖过左，呢个汁配埋乌冬食系一流，夹到停唔到手！
呢个姜葱鲍鱼煲又系正！海鲜其实用呢D简单嘅煮法就已经好足够，去保留佢本来嘅鲜甜味。鲍鱼口感好弹牙，酱汁嘅份量同调味岩岩好，可以衬托到鲍鱼自身嘅鲜味。不过个人觉得姜葱先系呢味𩠌嘅精华，入晒所有酱汁同鲍鱼味，大家都系度抢食姜葱
扇贝系食海鲜必叫嫁啦！蒜蓉粉丝蒸大扇贝系扇贝最好食嘅煮法！扇贝超大只，上面嘅蒜蓉完全唔吝啬，岩晒我呢D重口味嘅蒜蓉爱好者粉丝份量都好多，蒜蓉嘅味落到粉丝同埋扇贝度真系超香，真系一落打呢篇食评一路涌紧D口水出黎
蒜蓉炒豆苗唔好睇少，炒得好到位，唔会老！用黎解腻岩晒！
真心好推介大家去食，样样野都好好食！已经好期待下次再去开大餐
张贴
