楚撚記大排檔

营业中

休息中

如果唔系几日前订位应该食唔食，点解咁讲？因为前几日就系walk in食唔到即刻订位啰。先上咗个汤，呢个汤无得输，完全为呢餐饭开咗个靓头。汤料够、猪肺香口、唔咸、唔油，够浓郁。一定要叫！咕噜肉都系要试，唔肥唔瘦，皮脆肉实，但旁边嘅糖饼，后生可咬一口，年纪大要避避。炒蚬炒得香口，好食，香辣。可以叫，但人少就可以叫其他试。猪油捞饭，猪油、豉油加上蒸饭，我平时晚饭走饭都忍唔到食咗几啖，又系必叫。蒸饭真系好味好多，煲饭无得比。豆腐系滑嘅，但七味粉同椒盐味唔够，有啲失色咗。粟米系真系要试，外香内甜，唔柴。今晚厨心情靓，咸蛋黄俾多咗，所以某啲部份咸咗啲。鲜鱿系滑到口咙，无牙都咬到，但今次入货好似中等咗？一餐饭个半小时，人客太多，人手有啲不足。今次试唔哂，一定要再见。