正潮樓

营业中

休息中

是日到了铜锣湾正潮楼食晚餐，安顿好坐低饮住功夫茶食住菜宝花生谂下食咩好野先。今晚叫左鹅六宝，鹅红，脆皮九肚鱼，方鱼炒芥兰，潮州炒香饭，糖醋煎伊面。鹅六宝-鹅六宝其实系有鹅肉，鹅蛋，鹅掌，鹅翼，鹅肠，鹅肝。鹅肉肉质好，啖啖鹅肉。鹅蛋蛋香十足，味道同鸡蛋系唔同。鹅掌同鹅翼可以话口感之选 。鹅肠弹牙口感好，鹅肝只香味久久留在口中。鹅红-鹅红味道口感都好，质地都好唔会食神咁一夹就散失败。脆皮九肚鱼-白滑鱼肉被一层薄薄脆浆包裹著，滑口鱼肉热辣辣。方鱼炒芥兰-新鲜嫩既芥兰炒既时候岩岩好，唔会过淋或过硬。潮州炒香饭-饭炒得好香口，既有虾，仲有好抢味既腊肠香味。糖醋煎伊面-伊面煎得岩岩好，面香味出晒黎，再加糖同醋刺激一下味蕾。食完饭当然到甜品时间啦，潮州野唔食反沙芋头真系好似唔够完美喇 反沙芋头-糖浆融在芋头外面，一层层包围著热辣辣既芋头。