杣‧YASHIMA

营业中

休息中

Item: 杣‧YASHIMA
Rating: 5
Author: JLaw3601

4.5

291 食记

味道

环境

服务

卫生

抵食

4413

中环

$801以上

日本菜寿司/刺身怀石料理厨师发办

281

条款及细则:
餐厅:	杣‧YASHIMA
优惠:	于此国泰伙伴餐厅用餐赚里 ! 国泰会员于伙伴餐厅消费可赚高达HKD4 = 2里数。受有关条款约束。
立即加入国泰会员计划，今日开始累积里数！
国泰会员每次可赚取「亚洲万里通」里数之消费额上限为港币10,000元。会员凡于国泰伙伴餐厅作合资格消费，每港币4元可赚取2里数。而渣打国泰Mastercard®客户凭卡消费可享每港币4元赚取2里数，包括合作伙伴餐厅合资格消费之餐膳里赏（每港币4元赚取1里数）及基本餐饮类别之合资格签账奖赏（每港币4元赚取1里数）。赚取之「亚洲万里通」里数将根据餐饮与膳食消费，包括服务费、税项及小费的总和而计算。惠顾特定推广套餐或不可赚取「亚洲万里通」里数。请预先向个别「赚里餐厅」查询。赚取的「亚洲万里通」里数将于认可餐膳消费交易后10个工作天内存入会员的账户。

须受其他国泰条款及细则约束。

JLaw3601

等级2

位于九如坊嘅omakase, 好有耐心咁为客人讲解食材同菜色啲元素；环境宁静、舒适，睇住厨师嘅手艺好愈疗，睇得出佢哋用心，好适合放工嚟放松、放低负面情绪。

先上嘅系冲绳水云搭新鲜三文鱼子酸酸地易入口，极开胃，加埋个北海道带子结实、非常新鲜，又大只，绝对系物有所值。

平时生蚝食得多，今次试下食蒸蚝：厨师轻轻蒸咗2分钟，口感更加嫩滑，同时僻走咗啲腥味，处理得好好，配埋酸橘啫喱非常解腻，容易入口，成件事好juice，底下有青瓜，突出到爽脆嘅口感，十分有趣。

入主菜：慢煮八爪鱼弹牙入味，加埋柚子胡椒一齐食，酸酸辣辣更刺激，更有层次，加埋有个汁煮萝卜收结，甜到出汁，又入哂味，一咬即烂，系完美嘅口感配搭。跟住有矶粒贝用法国牛油做点缀，加上豉油一齐煮，咸咸地又唔太油腻，浓郁嘅风味入面仲食得出海水嘅清甜；贝肉弹牙，啖啖肉，好满足，食日本料理好少遇到咁浓烈嘅风味。

香知县象拔蚌刺身，比一般贝类嘅腥味轻啲，加青柠汁同海盐就已经刚刚好，突出到食材嘅优势而又唔会喧宾夺主。左口鱼同左口鱼边刺身，啖啖肉，但味道清雅。至于我以为系吞拿鱼嘅鲣鱼刺身，搭配埋蒜蓉同芥末酱十分新奇，香浓嘅调料唔会抢咗鲣鱼嘅肉质鲜美，加埋蒜味久而不散。讲到厨师发办当然要提一提主厨刀功细腻，摆盘有心思，喺你面前切鱼生系一场演出，仲要照顾埋你用餐速度系一种细心。

跟住上咗芽葱鲭鱼芝麻昆布卷，加埋紫苏花一齐食别有风味，清新得嚟又有芝麻香，姜丝都几refreshing，昆布就几卜卜脆，鲭鱼刺身肉质结实，唔错。紧接住系𩽾康鱼肝蓉最中饼，松脆得嚟入面嘅慕丝有凉凉地，清新嘅，花生形状都几吸引人。去到炸物嘅部份就系神奈川嘅吉列太刀鱼，好少食到咁嫩口滑身嘅吉列鱼，鱼肉唔会太实，上面加咗乌鱼子，点埋个蛋黄醋，酸酸地，非常解腻，想一食再食。

到寿司嘅部份石垣鲷油脂重，咬耐啲就食得出鱼油嘅香味；醋渍沙丁鱼姜葱蓉系我冇谂过咁好食又咁夹嘅寿司，醋酸化一化沙丁鱼嘅浓厚鱼油，沙丁鱼同时又不断彰显自己嘅存在。到松叶蟹大集合寿司：蟹肉、蟹肶、蟹膏、蟹籽，层层唔同口感，一啖食落去，全部都系蟹嘅精华，由清到浓，一啖便知新鲜与否；不得不提个两星期熟成中拖罗，咸味适中，油脂丰富；仲有个灸烧梭子鱼寿司，极之香口，最钟意少少嘅焦香，因为完全激发到拖罗鱼油嘅甘香。

压轴系个赤味噌汤加北寄贝边，豆味浓，非常温暖。最后嘅甜品系富有柿配焙茶雪糕清新淡甜，柿肉唔会抢风头，而焙茶雪糕配埋自家制嘅蛋白脆饼，松脆但唔会𠝹口，入口异常优秀。