四寶食堂 (將軍澳中心)

营业中

休息中

放假行将军澳中心，发现呢间设计好靓嘅港式茶餐厅，用咗粉蓝色tone，加埋入面有好多小植物摆设，感觉好舒适。餐牌嚟睇都啱食，一于入去试吓。午市时段以套餐为主，当中有招牌推介、经典常餐系列。食物选择都好多，两人精挑细选下点咗以下呢两个餐。 喜哥葱油猪扒太阳蛋饭 - 猪扒好巨型，厚切，肉质够juicy。劲多葱油，啱晒我地口味，必食推介。拔道腩水门鸡饭 - 份量都多，配埋豉油及秘制辣酱，味道好丰富同惹味，越食越开胃。餐牌上写明酱汁比鸡更好味，果然有啲料到。饮品点咗雪山红豆冰 - 红豆冰份量多，红豆煮得好淋起沙，几好饮㖞。嚟得茶餐厅，点都要饮番杯奶茶先满足。奶茶茶味香浓，入口好滑，满意之选。餐厅食物质素唔错，选择多元化，环境比一般茶记好坐。虽然keep住多人排队，但流量都快，唔需要等太耐就可以入座。