名人館

营业中

休息中

女女考完试，爸爸带我哋去食晚饭庆祝下，我哋去完观塘买小提琴，由系附近揾好嘢食。老公话记得之前同事生日去过观塘帝盛酒店一楼名人馆食饭，食物不错又坐得舒适。坐低无耐，就有两位招呼周到嘅待应推介小菜比我哋，由于我女好钟意食咕噜肉，就试下个冰镇咕噜肉啦，估唔到呢道小菜看似普通，但呢度嘅冰镇咕噜肉竟然一反传统，唔只有菠萝做搭配，仲有蓝莓，士多啤梨，哈密瓜等，又酸又甜好好味。而爸爸就叫左个三葱爆汁牛小排，呢味真系无得顶，牛小排鲜嫩多汁，味道够浓，加上有少少麻辣味，十分开胃🤤而我，当然要清清地叫左个上汤杞子浸菜芯，杞子好靓好大粒，菜芯又嫩绿又靓，仲好甜😍要值得一赞嘅系佢哋中菜厅嘅服务态度非常友善，对自己的食物好有要求，亦都会问客人攞意见，希望食物质素可以再好啲。计我话，食物质素已经好唔错了，唯一缺点就系无分店🤣🤣希望呢种咁优质嘅中菜馆可以开多几间分店，我哋啲食家又有多啲选择😉😉😉