影片
更多
2024-06-17
1378 浏览
野川拉面の深烧食堂📍元朗又新街40-48号荣丰大厦地下B号舖一个滂沱大雨嘅周末，我约好前上司喺佢放工后食个饭、叙叙旧。为咗方便倾偈，我哋拣咗一间开到凌晨1:30嘅人气餐厅，边食边catch up。呢间主打拉面嘅港式日料餐厅，亦有提供一系列新鲜刺身、寿司、炸物、烧物、串烧、特色饮品⋯⋯种类繁多，数之不尽。其中一大优点系可以较贴地嘅价钱品尝如放题般丰富嘅食物，唔想受时间所限、食到赶头赶命嘅大家，绝对可以考虑呢间餐厅！ 💰$44/2本花の恋 🌹为今餐打响头炮嘅系花之恋寿司，用上鲜甜嘅三文鱼，饭量适中，搭配大量蟹籽同带咸嘅日式沙律酱，系我至爱嘅组合！ 💰$90/8只甘えび 🦐原只甜虾每只大小相约，虾肉剔透，味带甘甜，最爱佢黏黏哋嘅口感，非常高质！ 💰$80/5切鲑はらみ 🐟厚切𠝹花嘅三文鱼腩鱼油丰膄，味道鲜甜，肉质爽口，比一般普通三文鱼刺身更为滋味。 💰$70/10切ホタテ 🐚带子片片晶莹，口感新鲜，味道甘甜，无丝毫腥味，赞！ 💰$80/6只海老の天ぷら 🍤炸物方面我哋点选两款天妇罗，大虾裹上一层偏薄嘅脆浆落油炸至金黄香脆，有别一般港式日料天妇罗嘅品质，无论热食或放凉后，炸虾仍然外脆内爽，唔会
📍元朗又新街40-48号荣丰大厦地下B号舖
一个滂沱大雨嘅周末，我约好前上司喺佢放工后食个饭、叙叙旧。为咗方便倾偈，我哋拣咗一间开到凌晨1:30嘅人气餐厅，边食边catch up。
呢间主打拉面嘅港式日料餐厅，亦有提供一系列新鲜刺身、寿司、炸物、烧物、串烧、特色饮品⋯⋯种类繁多，数之不尽。其中一大优点系可以较贴地嘅价钱品尝如放题般丰富嘅食物，唔想受时间所限、食到赶头赶命嘅大家，绝对可以考虑呢间餐厅！
[价钱 Price]
💰$44/2本
花の恋 🌹
为今餐打响头炮嘅系花之恋寿司，用上鲜甜嘅三文鱼，饭量适中，搭配大量蟹籽同带咸嘅日式沙律酱，系我至爱嘅组合！
[价钱 Price]
💰$90/8只
甘えび 🦐
原只甜虾每只大小相约，虾肉剔透，味带甘甜，最爱佢黏黏哋嘅口感，非常高质！
[价钱 Price]
💰$80/5切
鲑はらみ 🐟
厚切𠝹花嘅三文鱼腩鱼油丰膄，味道鲜甜，肉质爽口，比一般普通三文鱼刺身更为滋味。
[价钱 Price]
💰$70/10切
ホタテ 🐚
带子片片晶莹，口感新鲜，味道甘甜，无丝毫腥味，赞！
[价钱 Price]
💰$80/6只
海老の天ぷら 🍤
炸物方面我哋点选两款天妇罗，大虾裹上一层偏薄嘅脆浆落油炸至金黄香脆，有别一般港式日料天妇罗嘅品质，无论热食或放凉后，炸虾仍然外脆内爽，唔会腍晒或有霉嘅口感，有惊喜！由于本身炸虾无过多调味，所以可以沾多一啲天妇罗汁，个人应为味度更佳！
[价钱 Price]
💰$74/2只
ソフトシェルクラブの天ぷら 🦀
第二款系原只软壳蟹天妇罗，同样裹上粉浆落油炸，但明显成品比较酥脆，整体亦比较香口。切半上台嘅软壳蟹天妇罗份量十足，蟹肉鲜嫩无比，蟹膏甘香可口，一人一只大啖大啖咬，都咪话唔爽！
[价钱 Price]
💰$82
自家制豚肉ラーメン 🍜
主食我哋拣咗餐厅非常受欢迎嘅拉面系列，有11款不同配菜同6款汤底，任君选择。我哋拣咗浓豚骨汤底自家制叉烧拉面，配料毫不马虎，基本拉面配料如紫菜、荀、木耳丝通通有齐。最令我印象深刻嘅必定系糖心蛋，蛋黄呈橙红色，调味适宜，伴拉面食一流。
五片叉烧肥瘦均匀，口感软嫩，味道带少许甜味，虽与日式正宗叉烧不大相近，但富有自己特色。拉面口感不软不硬，属典型港式拉面风，整体唔会过咸，性价比算高。
[价钱 Price]
💰$30/1只
焼きホタテ 🐚
我哋仲一人额外追加一只烧扇贝，前上司选择蒜蓉烧辣口味，而我就选择芝士烧口味。前者香辣爆蒜，非常惹味，后者芝味浓郁，香醇美味。两只扇贝都算大只，烧嘅时间都掌握得好，保留到多汁、唔干柴嘅口感。
我私心推介将剩余嘅芝士汁配少少拉面食，咁就可以食到好好味嘅芝士捞拉面！
[价钱 Price]
💰$37
富士山顶コーラ🍹
白色嘅日本可乐令人联想到富士山山顶清澈美丽嘅雪景，采用富士山天然水制作，味道比一般可乐清爽，而且咁平就有咁大杯，真系超值！
[价钱 Price]
💰$37
ドリアンソーダ 🍾
手工榴梿梳打系以水果为主题系列嘅其中一款人气饮品，我本住试伏嘅心叫咗一枝嚟试。一拧开樽盖，已经有阵浓烈嘅榴梿香味飘出嚟，不过饮落就知道佢嘅味道唔会太冲击，比一般梳打多汔。如果喜欢食榴梿嘅朋友，应该唔会讨厌，但唔钟意榴梿嘅朋友，应该比较难接受。
张贴
