方太小鍋米線

营业中

休息中

元朗美食篇今晚去咗方太小锅米线，舖头格局好似日本拉面店，开放式格局，坐bar枱望住师傅渌面。方太家传糯米酒汤底红薯粉$55，汤底由猪骨同鸡熬制，加入糯米酒，味道带有微微酒香，糯米酒滋补养生，暖身驱寒，饮完真系暖笠笠。配料丰富有芽菜，鲜腐竹，金菇，虫草花，鸡丝。红薯粉够弹牙。配搭惹味炸猪扒$13，外脆内嫩。炸鲜虾云吞$10，3大只好足料，配鸡酱食一流。炭烧乌龙奶茶加米麻糬，跟餐+ $15，茶味香浓，奶茶滑顺，米麻糬软糯增添口感。唔知系咪天气冻，特别多人钟意食热辣辣嘅米线，晚市6pm开门，好快坐满，仲好多人叫外卖。