梁記餃子麵坊 (已結業)

是日路经安宁路一带，因为晒相需要等候一小时，就喺附近揾间就脚嘅用膳呢间梁记饺子面坊已经唔止帮衬一次，每次捧场都必定系满足而归今日只得自己一人，虽然叫得一款，但系一样食得滋味一坐低谂都唔洗谂就Order咗猪扒面+豆浆(HKD$32)。伙计一落完单就秒速上咗杯豆浆(跟餐只需加HKD$4)，效率十足等左5分钟左右，就已经可以上埋个猪扒面(HKD$28)，认真符合香港人的生活节奏无论系赶时间、定系好肚饿，嚟梁记就包唔洗等几乎每一次都系5分钟内上菜！猪扒系炸嘅，非常之香口，但唔会有油腻感，而且肉质非常松软，皆因梁记系人手揼松啲猪扒，有时撞啱佢地咁啱为啲猪扒「松一松」嘅时候，店内就会充斥住Bom Bom声，虽然略为吵耳，但系的确几有元朗小店的风味特色至于面底，今次我选择咗生面，面质爽口弹牙，虽然望唔到厨房入面嘅煮食过程，但面弹牙程度就好比煮完过冷河的效果份量方面，面底系不多不少啱啱好，而猪扒我个人认为算系比得几多下，份量好足，就算系男仔食都足够饱肚通常朋友问我元朗有咩面家好食，除左会推介一早已经远近驰名嘅永年同好到底，我一定会推荐梁记好味又抵食有目共睹。