野川拉麵の深燒食堂

营业中

休息中

今日入左元朗探我啊妹，元朗就唔系我地头，所以就叫啊妹睇下有咩秘密店推介。介绍左呢间日式餐厅，去到门口睇一睇就见到营业时间早上7:00am-凌晨2:00am！元朗人真系有口福。三文鱼腩刺身/带子刺身 ：🌕🌕🌕🌕🌑三文鱼腩好厚切大件，刺身都新鲜鲜甜。A4日本和牛 : 🌕🌕🌕🌕🌕价钱唔贵$148 份量好足。食落牛味好重，口感一啲都唔韧，但系又唔会觉得好重油脂。我觉得呢个真系必点。牛肉寿喜烧 ：🌕🌕🌕🌕🌑牛肉量多。配埋日本生鸡蛋。配菜方面有娃娃菜、冬菇、金菇、粉丝。寿喜烧汁唔会太甜，又唔会太咸。吉列豚肉拉面 : 🌕🌕🌕🌕🌑我哋试咗芝士辣汤底，佢芝士味好浓郁，但又唔会太辣。如果钟意食芝士一定要试吓。烧扇贝 ：🌕🌕🌕🌕🌕拣咗蒜蓉味，极多蒜蓉👍🏻，海鲜嚟讲，价钱好经济$28/一只厚烧牛舌 : 🌕🌕🌕🌗🌑口感烟韧，味道都不过不失。绿茶红豆冰加雪糕 : 🌕🌕🌕🌕🌕忌廉红豆冰 ：🌕🌕🌕🌕🌕佢嘅特饮选择好多，而且有好大杯，拍得住手摇店。店舖环境宽敞，唔会觉得好迫。