西關粥品 (已結業)

西关大少大家听得多，西关粥可能第一次听，呢度系一间充满广州怀旧风情既小店～充满怀旧感觉的金漆招牌呢度主打咸汤圆、粉仔、粥品、手拉肠粉等⋯⋯每款都标榜自家制！而呢度啲粥既款式都比较特别，同一般粥店好唔同，例如有西洋菜陈肾粥、蕃茄粥等⋯⋯全部即叫即做！我个人比较喜欢蕃茄牛肉粥，每次黎都必点！粥底好绵，再加上新鲜蕃茄、蛋花，真系好好味！🤤牛肉都好滑！牛腩河粉今次系第一次叫，普通，唔算特别。平时叫开牛腩肠粉，都系肠粉比较好食，佢系潮式造法，啲馅料放系面，不是包在肠粉内，啲肠粉好薄，吸哂啲牛腩汁，好正！煎粽又系唔系度度食到既野，要切开佢煎得唔松散又香口，应该好花功夫！呢度既食物真系每一样都充满诚意！个粽两边煎到金黄色，脆脆地，再沾小小糖食，真系好好味，未试过真系要试下！另外都好想推介佢个咸汤丸，今次无叫，但之前食过都觉得好味，配上大量蔬菜，好健康，又好足料㗎！p.s. 呢度星期一休息㗎！