成記茶寮

营业中

休息中

今日去咗元朗揾好嘢食。我上网睇左，知道原来元朗有一间好出名食猪扒饭嘅茶档。我十二点半嚟到已经大排长龙。呢间系一间茶寮，格局类似大排档咁样，要自己揾位坐嘅，由于太多人嘅关系，我都等左一阵先有位。坐低只系开始的第一步，原来嗌嘢食都要话等起码20分钟。点左个猪扒饭跟鸡翼，要咗佢呢度最出名嘅豉油汁。加埋一杯冻柠茶。哗饭同鸡翼终于都嚟啦，见到个猪扒好大块而且都几厚，真系货真价实。豉油汁偏甜，猪扒半肥瘦，咬落松软，但又唔似系落咗好多松肉粉有啲苦味𠮶一种。所以猪扒真系几好食嘅。而豉油捞饭都好好味。至于鸡翼反而有啲失色，并唔系汁嘅问题，可能系鸡翼卤得太耐，所以有点鞋。冻柠茶就不过不失啦。总结块猪扒系好味嘅，只不过䜴油汁偏甜，但都系值得一试嘅。