北京水餃店

营业中

休息中

本来行过黎呢边系为左食番x师兄的，但原来八点几已预备收门，虽然店员话可以食到九点四，感觉都系太赶，就到左旁边的北京水饺店。呢间真系喺元朗有左好多年了，食过无数次，价钱都唔算加价得太离谱。🥢酸辣水饺面朋友睇完餐牌即刻点呢样，足料都几足料，但味道有点怪，生粉未捞混入口有粉。水饺好大只，老式个皮劲厚个种，其实我钟意呢种厚皮饺子，不过朋友就钟意薄皮馅多，于是佢数到啲饺子一栋都冇…上海面正常发挥，呢碗算系饱肚之选。🥢羊肉馅饼自己就点左羊肉馅饼，比起其他口味，羊肉馅相对较贵。个饼都几大个厚身，但由于煎定已久，个饼只系微暖，羊肉系免治肉嘅口感又偏肥，京葱唔香，加上剪开左肉汁已流失，味道是失望嘅，当系填饱个肚啦。🥢小笼包再点左笼小笼包share，价钱比连锁店平，卖相都般但胜在即叫即蒸热辣辣。皮虽厚但入面都多汤汁，肉馅鲜味，呢样几好食。🥢豆浆豆浆豆味欠奉，但改进左无之前咁甜，食馅饼点都要有杯豆浆先衬嘅。ok啦，几十蚊食饱饱。