8號茶居 (宏業南街) (已結業)

喺元朗有两间分店嘅8号茶居系一间点心专门店，宏业南街分店位于虹方地铺，地理位置方便，距离朗屏站只需5分钟。餐厅环境干净，座位宽阔。入座第一时间梗系叫茶啦，有得叫菊花普洱茶，实在太好了，因为唔系好多地方有菊花。雪山叉烧包外层有层好似菠萝包咁嘅外皮非常之香脆，雪山叉烧包嘅味道类似餐包叉烧包，比起传统叉烧包更加香口，难怪喺点心龙虎榜嘅占一席位！8号虾饺王比起传统虾饺大1.5倍嘅虾饺王果然真系好大只，一盅两件两个人食一人一件啱啱好。虾肉非常之新鲜爽甜，皮薄馅靓。蟹籽烧卖王呢只烧卖王都系一样，比起一般嘅烧卖大1.5倍左右，馅料非常之饱满面头嘅蟹籽增加咗鲜味。山竹牛肉球牛肉打得好好，喜交嘅程度非常之理想，所以令到牛肉球食落弹牙，而唔会好淋。原盅花胶养颜棉花鸡因为系元盅炖嘅关系，里面嘅汤汁充满着酒香同杞子嘅香味，鱼肚同鸡肉更加唔使讲入晒味，而同时汤汁亦都有鸡肉同埋鱼肚嘅味，互相配合。海苔鲜虾腐皮卷腐皮卷揸得好脆，海苔嘅味道提升左虾肉馅料嘅鲜味，如果你钟意食香口嘢的话，一定钟意。鸳鸯鲜虾网米肠呢一个都系店内嘅推介，米肠做到好滑，包着油炸鬼同虾肉，同埋有两种颜色，卖相令人非常开胃。