過橋麵檔

营业中

休息中

有住系元朗友人话元朗其实冇咩野食，得一间过桥面档可以见得下人，既然当地人都讲到咁，咁就一定要去试试佢啦。餐单选择有少少似茶餐单，都系啲大众平民选择。因为知道餐单主打鸡，所以毫不犹豫咁同友人嗌左两个唔同味嘅鸡饭。霸王鸡饭，咁多只味入面，佢系最受欢迎嘅，在场见到好多人都嗌左佢。霸王鸡，即系葱油鸡，葱油香好足，加上鸡肉好嫩滑，系正嘅！不过食多几啖，会觉得太咸，要狂饮水。份量觉得有成半只鸡，好抵食！友人嗌左个巴辣鸡饭，食一啖会令你觉得真系辣，但食多几啖之后，你会适应左阵辣味，辣油香渗透鸡肉，甚至会觉得佢好食过霸王鸡。另外一提，佢啲饭系菜饭，菜同饭嘅份量系一比一，好足料！如果系志在食一餐普通晚餐黎讲，以$50几蚊食到呢个质素，真系值得推荐嘅。