阿茶茶。館 (已結業)

去开元朗，又到中午，揾个地方食lunch，咁岩见到间有d格调既西餐，咪入去试试。门口有个啤酒桶，几得意。见佢d set lunch都系几十蚊，都ok啦，入去坐低先算。入到去都见到唔同既小摆设，几有意思。有几样野都想食，想试下羊架同法式油封鸭，不过最后都系食清一D，就叫左个f餐意大利扁意粉+慢煮蛋+烟肉芝士。侍应落单都几快，唔使一阵就有得食。先黎左个汤同面包。虽然系白汤，但唔咸，仲带有蘑菇味，面包很有口感同淡然的蕃茄香，好似系佢地自己焗架。pasta的份量刚好，食完都饱饱地，不过唔肥腻，以往食个D都几咸,无谂过佢可以做得几清，清得黎都试到佢D芝士味，意粉口感整得几好，仲有个只慢煮蛋，拮穿左个黄，将蛋汁捞入意粉中食，味道更佳。最后餐饮点左黑咖啡，黑咖啡唔加奶唔加糖，咁先试到咖啡既原味，咖啡酸味重，味道唔错。