麺屋飛丸

营业中

休息中

元朗一向系美食集中地，近来揾到呢一间位于教育路嘅拉面店麺屋飞丸，竟然主打区内少见嘅汤底：鸡白汤！🐓店内铺面唔大但有几张户外座位，当日到访都差不多坐满哂人，好受欢迎！餐牌上有五款拉面选择，分别以鸡白汤同鲣鱼清汤做基底，贵精不贵多。拉面以外有多款小食，墙上仲会写上是日推介，以拉面店来讲种类算丰富😍🔸鸡白汤拉面 盐味首先最抵赞嘅系鸡白汤汤头超级浓郁！质地浓稠有黏口胶质，鸡精华完全渗入汤头，咸香味刚刚好🤤配以幼身面条挂汤力强，而且面饼份量够大，面控一定满足🙆🏻‍♀️配料亦都系一大亮点，豚角叉烧香口肉质软稔，慢煮鸡胸味道较清新唔怕鞋口，鸡肉丸有少量软骨增强口感，就连味玉都够入味又做到流心，整体质素非常高🥳🔸鸡白汤拉面 酱油味老公既酱油味系鸡白汤基底上再加上酱油，鸡鲜味同样浓郁。浓稠度比起盐味感觉稍低，所以佢觉得饮落更加顺口！🔸羽根饺子五只饺子以薄薄羽根连住，卖相讨好，睇得出Rose比一般拉面店出品更有心机！饺子皮薄里面包着菜肉馅，比例平衡🥰🔸牛肉薯饼大大件牛肉薯饼，适合同朋友分享。薯饼炸至金黄外皮香脆，里面除咗薯蓉外仲有牛肉碎，可以点沙律酱食