影片
更多
2024-07-25
221 浏览
～纯属食客，不做打手～趁暑假孩子外游，我终于可以收炉唔使日日煮饭。系openrice扫下，就比我见到呢间“大滚友”，见到食评同卖相都唔错，就即刻订个晚餐试试！先讲环境，装修明显系中式宫庭风，一进店已觉得好华丽好高级。我两个人去食，以为会比张细枱我地，但带左我俩去左角落有屏风嘅中型枱，我嘅奄尖老公已经将呢样加分，佢最怕人贴人坐，坐得舒适，对佢嚟讲好重要。然后手机点餐，店员哥哥好helpful，我地不懂就问无吓怕佢，佢主动serve我地但无太热情，无over，咁样令我觉得好舒服无压力。而其他妹妹店员都好有笑容，好乐意为你服务，对呢间舖印象又提升左好多。讲真，员工代表店舖，先唔讲啲嘢好唔好食，但你咁有heart做嘢，多少都会有人情分，right？好啦，主题来了。我一打开个app，就决定要个二人套餐，因为想食嘅同全部都有，我个人通常预订餐厅，都会先反覆睇下有咩食同已一早决定心水食物，我好少去到先拣，所以我一见到有套餐而又有齐我想食嘅，我毫不犹豫就拣左。当然，都要问下老公好唔好啦。二人套餐有咩呢，有以下嘅嘢：一个花胶半只鸡汤底一份细牛拼盘一份伊比利亚橡果猪一份四件炸黄金响铃然后有啲optiona
趁暑假孩子外游，我终于可以收炉唔使日日煮饭。系openrice扫下，就比我见到呢间“大滚友”，见到食评同卖相都唔错，就即刻订个晚餐试试！
先讲环境，装修明显系中式宫庭风，一进店已觉得好华丽好高级。我两个人去食，以为会比张细枱我地，但带左我俩去左角落有屏风嘅中型枱，我嘅奄尖老公已经将呢样加分，佢最怕人贴人坐，坐得舒适，对佢嚟讲好重要。
然后手机点餐，店员哥哥好helpful，我地不懂就问无吓怕佢，佢主动serve我地但无太热情，无over，咁样令我觉得好舒服无压力。而其他妹妹店员都好有笑容，好乐意为你服务，对呢间舖印象又提升左好多。讲真，员工代表店舖，先唔讲啲嘢好唔好食，但你咁有heart做嘢，多少都会有人情分，right？
好啦，主题来了。
我一打开个app，就决定要个二人套餐，因为想食嘅同全部都有，我个人通常预订餐厅，都会先反覆睇下有咩食同已一早决定心水食物，我好少去到先拣，所以我一见到有套餐而又有齐我想食嘅，我毫不犹豫就拣左。当然，都要问下老公好唔好啦。
二人套餐有咩呢，有以下嘅嘢：
一个花胶半只鸡汤底
一份细牛拼盘
一份伊比利亚橡果猪
一份四件炸黄金响铃
然后有啲optional嘅选择，比如饺子，蔬菜，一款海鲜；我地拣左蟹膏（黄？）饺子，蛏子同油麦菜。而当中大滚友做身份证“7”字优惠，又送左一份人头计嘅海鲜拼盘，有广岛蚝，虾，带子，墨鱼仔。
汤底嚟到梗系饮汤先啦！汤底好浓，有𠮶似我去食翅𠮶种味，然后花胶真系好足料，好大片，店员帮我地剪入锅，然后我地就开始慢慢开吃了。
鸡呢，好肥美，但因为有更好食嘅嘢，我无乜点品尝，但肯定系无雪味同滑嘅。
然后因为怕食唔哂，拼盘只要左牛崩沙同牛颈脊，其他部份无要。我就钟意食牛崩沙，滑啲淋啲，牛颈脊牛肉味浓同香啲。但讲到意外惊喜，竟然系猪！！
伊比利亚橡果猪好滑，好香，完全无一般猪肉𠮶种腥味，我个人好钟意，觉得比牛更好食。
至于饺子，唔好食。炸黄金响铃呢，其实你好食嘅，但我觉得好“漏”。其余海鲜类不过不失，除左广岛蚝。蚝有啲腥，我本身唔钟意食广岛蚝，有偏见都唔定。
竹庶茅根水强烈推荐，叫套餐可以任饮，我真系想叫返十枝八枝返屋企饮，劲好饮呀！！！
最后仲有个火焰豆腐花甜品，老公食左两碗，佢话估唔到火焰烧完啲豆腐花系冻嘅，有惊喜不过都系豆腐花嚟，系好食但不至于好赞。
总括嚟讲，真系好食嘅，而且两个人真系食唔哂，我觉得三四个人都够食，价钱系值嘅，食完唔会觉得好唔抵㖞同食贵左。味道同服务都好好，优惠都好多。我相住我地会再去。不过我要回下气，饱到而家早餐都食唔落呀！！！
张贴
