天龍咖喱

营业中

休息中

星期日放假补完眠就出去元朗陪姑妈买野兼医肚，去左合益街市附近兜下睇下有咩好食，见到Tiffany blue既天龙咖哩就去试下都几多人。叫左两个主食、两个小食同两杯野饮🐮金牌牛魔王咖哩牛大四囍饭 (附油酥饼两块) $114真心好大碟，除左牛腩仲要皮、牛筋、牛肉、牛舌，当然唔少得薯仔。咖哩好香椰汁味，唔算太辣、牛筋炆到好腍好黏口，系我喜欢既口感。牛腩大旧厚肉、块皮可以话系精华所在，保持到QQ口感都唔会韧。咖哩饭好少会见到有牛肉，口感爽滑。牛舌超大块，有我半个手掌咁大块，非常入味软烂口感。咖哩汁除左捞饭外，仲可以蘸油酥饼，大满足。🐑生煎香草羊架饭$98一上枱就闻到香喷喷既羊肉味，食落口一d都唔骚，火喉刚刚好，直接揸住黎食正过用刀叉。🐥天龙鸡皮卷$42鸡皮脆卜卜，包住既鸡脾肉鲜嫰多汁，蘸埋泰式甜辣酱，别有一番风味，呢款个人觉得几有惊喜。🦑唐扬鱿鱼须$48份量都唔少，食落十分香口，有埋沙律酱。🥥椰子冰香浓既椰子味，唔会太甜，几钟意。🍋‍🟩冻青柠柑桔蜜食左咁多热气野，饮呢杯濯下喉就啱晒。