九份飽 (蜆殼街) (已搬遷) 新店位置

去完红香炉峰，夜晚黎跑台山呢间小店食台湾菜。我地唔够七点黎到都已经有人排队，走时条人龙长左好多，好彩早食咋。红烧牛肉面，牛肉系牛腱，够腍唔会太薄，好味。台湾担仔米粉有一只虾，一粒贡丸，半只蛋同肉燥，比我想像中大碗，米粉似粉丝，几惹味。流沙芋丸咬开系芋泥包住奶黄流心，好正。热辣辣新鲜炸起，就算冻左都依然有流心。肉松起司蛋饼配有辣椒酱，蛋饼皮好食，加埋大量肉松同起司，好香口。蚵仔煎烟烟韧韧，蚵仔配埋生菜丝食够爽脆，唔错。冬瓜柠檬拣左少糖，甜度岩岩好。两者好夹，冬瓜清甜，柠檬解暑，二合为一坚好饮。