有口福 (已搬遷) 新店位置

约左朋友系九龙城食饭，以为佢想食泰菜啦，点知佢话带我去打边炉🤔，平时两个人通常都系食任食既多，但因为朋友话呢间食过好正要翻啅，所以就跟佢黎左呢间「有口褔」！虽然逐碟叫两个人试唔多款，但食完呢间真系返唔到转头，唔会再想食任食果d!座位宽敞，重有电视睇有边炉亦都有小菜，配料选择亦好多，前后有两页胡椒猪肚鸡煲，半只鸡$198呢个鸡煲真系不得了，真心觉得「好正」，胡椒味够、好香药材味、好足料（杞子、红枣、猪肚、党参等等）、好惹味个汤真系坚好饮！就算食到一半再加汤，个汤依家好有味唔会变淡。只鸡好滑，就算系鸡胸，食落都唔鞋，好入味油麦菜$30好新鲜，份量都好多鲜虾云吞$50一分钱一分货，食完会觉得值呢个价一粒内面充满虾肉，重点系够爽脆，好耐未食过咁好味既云吞手打三宝丸$88一路食我一路对呢道既嘢都赞不绝口，虽然唔系点左好多款，但真系每款都好新鲜，好耐无食过咁高质手打丸，每粒都好爽弹鲜味，粒虾丸真系痴住两只虾系度😍特级肥牛$108肥瘦适中，入口牛味浓郁鸡煲、边炉我一年真系食唔少，但真心觉得呢间比起出名果几间更新鲜好食！朋友上次试过鸡煲话都好正，闻到隔离枱果煲都好香🙊必定要回头再试！