深宵食堂

营业中

休息中

同朋友聚會搵咗間日式居酒屋feel嘅深宵食堂，想坐低傾下計，飲杯野食下串燒💛一坐低叫咗碗枝豆同梅酒梳打，慢慢食住睇menu，然後揀幾款燒物：鹽燒秋葵、厚燒牛舌、鹽燒雞翼、鹽燒鯖魚、牛油燒蕃薯仔。燒物鹽燒系燒物味道偏濃厚，鍾意食鹹野嘅就啱晒喇，牛舌爽口，雞翼同鯖魚亦厚身肉嫩；牛油燒蕃薯仔採用日本蕃薯，味道蜜甜、口感軟滑綿密。辣酒焗蜆比想像中冇咁辣，帶有牛油味嘅湯汁濃陏香滑，蜆肉亦夠大粒厚肉。蟹肉海膽炒飯整碗飯都幾大碗，兩個人食都夠飽，蟹肉蟹籽份量足料，海膽新鮮口感奶滑而味道濃陏，炒飯炒得夠乾身，粒粒分明，口感煙韌。 店內仲放滿動漫擺設，整個天花充滿和風紙傘、日式燈籠同櫻花等佈置，充滿日本風情。