影片
更多
2014-04-21
1539 浏览
复活节假期，最啱就系约埋三五知己行街、食下好嘢喇！之前有同事试过铜锣湾Burgeroom，见佢真系几大份，于是前日约咗P小姐一齐去试下喇～对于唔熟铜锣湾地区嘅人嚟讲，Burgeroom位置都几难揾，大约系当晚我哋大约7点半去到，远见门口已经排长龙～ 大约等左5~10分钟就有位，比想像中算快有位！只见店入面地方唔算大，而且仲坐得好迫！汉堡包款色几多，主要分牛肉、海鲜同蔬菜三大类～仲有沙律同油炸小食类，拣好心水食品后，就好似平时去Mos Burger一样，自己去买飞落order，之后由店员送到枱前～我哋就拣咗依度最多人叫嘅 Foie Gras Burger，面包松软、鹅肝甘香又唔会太细块、汉堡扒亦唔会太咸，咬落去仲好Juicy！另外，我哋仲叫左一个 Mega Cheese Burger，依个汉堡肉会厚少少，肉质会比较松亦比较咸！食burger当然唔少得以叫薯条喇～ 我哋点咗芝士薯条，一定要趁热食，否则冻咗之后会冇咁好味！饮品方面，出奇地有好多种咖啡选择，我同P小姐都拣咗Cappuccino，但一入口就觉得苦到飞起，就算叫咗店员加甜，仍然偏苦，而且奶嘅比例比较多！42蚊一杯有D唔值！埋单每人
对于唔熟铜锣湾地区嘅人嚟讲，Burgeroom位置都几难揾，大约系当晚我哋大约7点半去到，远见门口已经排长龙～ 大约等左5~10分钟就有位，比想像中算快有位！
只见店入面地方唔算大，而且仲坐得好迫！
汉堡包款色几多，主要分牛肉、海鲜同蔬菜三大类～
仲有沙律同油炸小食类，拣好心水食品后，就好似平时去Mos Burger一样，自己去买飞落order，之后由店员送到枱前～
我哋就拣咗依度最多人叫嘅 Foie Gras Burger，面包松软、鹅肝甘香又唔会太细块、汉堡扒亦唔会太咸，咬落去仲好Juicy！
另外，我哋仲叫左一个 Mega Cheese Burger，依个汉堡肉会厚少少，肉质会比较松亦比较咸！
食burger当然唔少得以叫薯条喇～ 我哋点咗芝士薯条，一定要趁热食，否则冻咗之后会冇咁好味！
饮品方面，出奇地有好多种咖啡选择，我同P小姐都拣咗Cappuccino，但一入口就觉得苦到飞起，就算叫咗店员加甜，仍然偏苦，而且奶嘅比例比较多！42蚊一杯有D唔值！
埋单每人大约＄180蚊左右，都算偏贵，但胜在有美式风味。食嘢期间都有好几个外藉人事排队！
【总括食评】味道：都OK，最好味都系 Foie Gras Burger
环境：地方好细，坐得好迫，出入都有问题，所以唔会想坐得耐
服务：店员都忙到飞起，但仍保持良好态
卫生：迫到睇唔到地下污唔污糟，但枱面一定有抹
抵食：麻麻地，试一次就够！
张贴
